【即時娛樂】沈月收求愛短訊 邱淑貞採取人盯人策略

48歲邱淑貞的大女沈月，樣子標致出眾，喺網上頗有人氣。但其實邱淑貞私下為靚女兒沈月頗為操心，因佢除咗吸引各大經理人公司上門之外，喺學校亦係男同學追求嘅對象，經常收到求愛短訊。為保護愛女，邱淑貞近日對女兒採取緊迫盯人策略，出入都必定結伴而行，加上沈月每次喺網上貼出新相，邱淑貞都會緊張地睇手機，關心有幾多個like，有時有陌生人comment，令邱淑貞非常擔心，不時對沈月耳提面命要她學會保護自己。