薛家燕對於接連收到圈中人離世消息大為傷感。（娛樂組攝）
薛家燕昨日（13日）現身米雪個唱，更一齊合唱《戲鳳》，她表示今次是反串唱平喉，自己也特別盛妝打扮，笑謂大家見到她便知道要「登基」做皇帝。談到家燕姐一身行頭非常閃耀，同款的珠寶也至少過百萬，家燕姐續指她戴的耳環、戒指「得個樣，攞咗係無用！」她表示自己「唔係咁有」，當傳媒笑稱她身上的珠寶可以買幾層樓，她笑言平日沒有機會戴，只可以開騷時襯下衫，因為台下的觀眾上不到台攞。
大家拋橋
家燕姐在台上指因為阮兆祥會掉橋出來，令《皆大歡喜》的集數加長，她表示真有其事，而且其他演員也會參與創作，令劇本、對白非常有趣。她稱自己也是因為拍《皆大歡喜》令轉數快了，有時接不到他們的對白時，便會選擇吃飯。她坦言沒想過《皆大歡喜》的歌曲時至今日仍然大熱，任何喜慶場合都會播。
純尚自然美
早前家燕姐在藝術中心因地毯凹凸不平跌倒，面部直撞地面，搞到鼻樑瘀青，她曾一度擔憂鼻骨裂開，她表示已經康復，現在見到地毯會特別小心。當記者笑謂可以借機整下個鼻，她笑謂整要俾錢，自己不想浪費金錢，加上暫未有需要，做人最緊要開心，便會靚。她說：「執過無咁自然，我呢啲靚呢，啲人鍾意我係自然美嘛！我媽生我出嚟已經咁嘛，哈哈！」
感到難過
當提到圈中接連有人離去，家燕不感長嘆，傷感說：「突然間呢個零禮拜……King Sir、文忻、敏兒離去，我係好難過。King Sir有一段時間冇見，佢係我哋好敬愛嘅上司、導師，文忻我同佢做過訪問，當時佢都好積極求生存過到呢一關，我真係每晚都為佢祈禱，希望佢可以渡過呢個難關，唔好再受苦。陳敏儀我係好突然知道，我啲朋友話幾個月前仲好活躍，出嚟講嘢都好好，突然間咁樣我真係唔知，我真係同佢少聯絡佢哋突然間走咗，我當然好難過，希望佢哋一路好走，屋企人節哀順變。」
家燕提到圈中接連有人離開時，大感難過。（娛樂組攝）