森美代友購MC飛竟跟褲入洗衣機 ，門票慘變紙碎。
MC張天賦《E = mc² 演唱會 2026》明晚（7日）在紅館開鑼，演出門票十分搶手。森美在開唱前夕於社交網上載影片，自爆尷尬事。他在鏡頭前無奈嘆道：「大頭蝦同蠢係咪同一樣嘢嚟㗎呢？我係大頭蝦定係......唉！」接着他交代：「我人生遇到一件棘手嘅事，我幫人買演唱會飛，咁人哋畀飛我，我要畀返人啦，結果，我將信封連埋啲飛放褲袋，條褲咁啱落咗洗衣機，𠵱家啲飛變咗咁.....」
門票慘變「屍骸」
畫面中，森美展示手中一堆零碎紙屑，被洗爛的門票「屍骸」，他懊惱地問：「啲飛就爛晒，我應該點做？呢啲『屍骸』畀唔畀到朋友可以入紅館睇MC呢？點算呀？」森美的慘況引來網民熱議，就連經常搞笑扮演「華納高層」的社交帳號留言笑嘲：「森美大哥 ，新嘅MC飛已經處理好 ，到時紅館搵我攞啦」，但附圖卻是肥媽Maria Cordero的演唱會門票，相當搞笑。森美其後透露，唱片公司已聯絡他補發門票，他感激地說：「喺我最迷惘嘅時候向我伸出援手」，總算能讓朋友順利入場欣賞演出。
常扮演「華納高層」的社交帳號笑言，新的MC飛已經處理好 ，但附圖卻是肥媽Maria Cordero的演唱會門票。