王君馨出席孕婦健品活動。
懷有二胎的女星王君馨（Grace）神采飛揚出席孕婦多重保健品活動，之後更換上另一靚裙進行拍攝，精力十足。
現場朋友佔七成估Grace第二胎是懷女B，還稱讚Grace比以前更美，事關佗女會令媽媽更美麗。當即場揭曉BB性別時，粉紅色氣球滿佈全場，Grace即說：「你哋真係聰明喇！今次佗二胎前有食開保健品強化自己。三年抱兩屬意外。知道懷有第二胎前仲有做劇烈運動，周圍去又食醬油蟹。但一切相當感恩。佗二胎前比第一胎家姐Audrey時攰少少。因為第一胎時想休息、想下煲下劇就去，今次佗二胎要同時兼顧一歲幾嘅家姐。Audrey又似足細個時嘅自己，成日跑跑跳跳又要去公園同戶外放電。」Grace續說今次佗第二胎變成大胃王：「佗第一胎時好鍾意食甜嘢。今次唔同，胃口全開！成日食唔同嘢，重味嘢。打邊爐、炒飯、湯麵、雪糕…」本身有哥哥和姐姐的Grace在家是排行最細孻女，相當明白做妹妹的角色。她說：「我個大女Audrey宜家知我肚裏面有個baby，佢有時會kiss kiss肚入面嘅細妹，touch下佢。我最近買咗個BB公仔俾大女訓練下佢模擬幫BB餵奶，等佢有心理準備迎接妹妹嚟呢個big family。同時都好多謝老公Daniel全心全力配合，係一個好隊友。」
王君馨三年抱兩，今次再收政府加碼生仔金。
為細女物色星級契媽
談到政府剛宣布生BB的新生嬰兒獎勵金由兩萬元升至三萬元。Grace說非常Lucky，三年抱兩的她連續兩次都拿到，大呼感謝主,會為BB當lucky money存起和買些日用品。至於為第二胎妹妹改名，她說會尊重長輩，交由公公和爺爺兩老安排。懷有第二胎的Grace早前享受me time，首次和眾好姊妹去了峇里島享受假期，相當relax。問到其中星級好姊妹團中誰勝任做星級㛃媽？Grace說衞蘭（Janice）已經是大女Audrey的契媽，Janice喜歡海洋，有同Audrey游水，享受在水的moments。衛詩（Jill）亦有幫忙做baby sister照顧BB。鍾舒漫（Sherman）平時喜歡煮飯，經常下廚，而鍾舒淇（淇淇）細心到有買芝麻糖給Audrey，所以令囡囡好多頭髮。
