鍾培生與區議員鍾莊雅婷今年3月在淺水灣大宅求婚，7月火速誕下女兒。
富三代鍾培生（Derek）與區議員鍾莊雅婷（Angel）今年3月在淺水灣大宅求婚，7月火速誕下女兒，組成幸福一家三口。鍾莊雅婷近日接受好友網台訪問，大爆鍾培生求婚時未有通告外父而激嬲長輩，又澄清自己並非老公的多年粉絲，並剖白兩人閃婚的關鍵原因。
鍾莊雅婷大爆鍾培生求婚時未有通告外父而激嬲長輩。
否認係忠實粉絲
談及求婚細節，鍾莊雅婷透露鍾培生事前只通知了母親，父親完全不知情。她引述父親事後大發雷霆：「佢冇同過我爹哋講，我爹哋係嗰晚睇新聞先知道嘅。後來爹哋嬲咗一段時間，因為覺得點解冇人問過佢嘅意見，但係我做事情一向都唔會問爹哋媽咪嘅意見，不過我都要同爹哋道歉。」鍾培生向來有「港姐迷」之稱，在2025年港姐競選期間，他留意到參選後退選的鍾莊雅婷，於是主動私訊鼓勵對方，其後更翻查出女方多年前曾回覆過他一次。然而，鍾莊雅婷在訪問中推翻「忠實粉絲」的說法，強調兩人是由朋友介紹認識：「我哋係透過朋友嘅朋友識嘅，第一次見面都係喺朋友嘅朋友舉辦嘅活動上認識。我只係好多年前 reply 過佢一個 story，佢就講咗好耐。」並強調自己並非對方粉絲。
性格相近愛互窒
提及閃婚原因，鍾莊雅婷指兩人性格相近，日常相處愛互窒，而非溫柔甜蜜類型。她笑言老公雖然說話直接，但為人善良：「佢把口係衰啲嘅，但係個人真係唔衰，佢人係非常之好，好善良嘅一個人。佢智商和情商都好高。如果以佢呢個年紀嚟講嘅話，我唔覺得我認識嘅人入面，會有人醒過佢。」她又憶述首次約會時原本印象一般，但其後大感驚喜：「第一次同佢食飯嘅時，我就覺得眼前一亮。因為我講嘅好多嘢，好多人係get唔到，但我講完之後，佢可以接得上，仲可以繼續延伸。」認為這段關係是難得的緣分。
