最鍾意扮鬼扮馬的夏蕙姨參加「cosplay厲鬼派對」。
上星期，黃夏蕙在九龍灣大搞生日壽宴，筵開60席，跟各方好友預祝96歲壽辰，當晚夏蕙BB預告會出席「哈囉喂」活動，她當時表示：「唔使扮鬼就得喇！就算我扮鬼都要靚，鬼咁靚吖嘛。」昨晚，夏蕙BB現身海洋公園，以一身日系妹豬造型登場。
黃夏蕙化身「變奏版小忌廉」，形象令人耳目一新。
樂園今年哈囉喂邀請夏蕙姨參加「cosplay厲鬼派對」，她向來鍾意扮鬼扮馬，在昨日活動上，其「變奏版小忌廉」形象令人耳目一新，甫登場即向台下觀眾問：「我靚唔靚呀今日？」之後還風騷地大擺甫士，「90路」仍精靈可愛，更被形容為cosplay界的大師姐。活動結束，有網民在Threads分享「cosplay厲鬼派對」照片及影片，並留言：「真心佩服90幾歲仲咁精靈活潑，有幸近距離拍照交談，夏蕙姨要繼續身體健康呀！」
