陳蕾現身沙田馬場馬擔任表演嘉賓。(娛樂組攝)
陳蕾、周殷廷今日(22日)現身沙田馬場馬擔任表演嘉賓。陳蕾打頭陣唱畢《伸縮自如的愛》後,為騎師和馬匹打氣時,搞笑地形容為「選手」和運動員,希望他們找到自己發光的地方,然後獻唱《凡星》。周殷廷登場即走到台下唱《上場》,拉近與觀眾的距離,接著唱《三生有幸》又巡迴四周與觀眾握手,最後再上台唱《Louder》。
最擔心fans心情
陳蕾受訪時自言橫財運不錯,試過在公司抽獎抽到黑膠唱盤,雖然不太懂落注,但間中也會提供幸運號碼,特別鍾情3字或陪數。談到今年未能打入「叱咤樂壇我最喜愛的女歌手」5強,她坦言:「每次打入12強、10強都有少少緊張,斷纜係遲早嘅事,只係睇下你邊一年,今年斷咗有少少如釋重負。」她指Dear Jane連續13年入圍的,要每年都有能打動人的作品,非常困難。她自言較平常心,不過未能代表公司躋身更高名次,亦感可惜,最擔心是fans心情:「我見佢哋好緊張好投入,好落力投票。見佢哋比我更緊張同失望,都想話俾佢哋知,我本人係好OK,有佢哋支持,當然係想除咗忠實歌迷,都想有其他樂迷,真係要靠當年作品有冇打動別人,歸根究底都係要自己努力爭取唔應該將責任歸歌迷。」
陳蕾表示元旦將會出席頒獎禮,談到有網民拍片,指她在叱咤記者會猛力打魏浚笙Jeffrey,笑問在頒獎禮會打誰,她慨嘆:「可以做淑女,邊個想郁手。」她解釋當時穿了高跟鞋,站不穩差點跌倒,被目擊者Jeffrey恥笑才動手,但她也答謝Jeffrey在大合照期間一手扯住她,令她不致於在眾人面前跌倒地上。她笑言換作是MC張天賦和洪嘉豪,必定會恥笑一輪才伸手扶她。
預告年宵推騎呢產品
至於華納於內地江門舉行除夕倒數show,陳蕾指首次跟MC和洪嘉豪倒數過年,「係開心嘅,每次3個人合體都會同佢哋自拍。」由於近日忙於籌備農曆年宵攤位,開會討論每位歌手專屬的周邊產品,她自爆被公司「逼」推出騎呢產品,「都幾唔願意,某程度係拎返以前嘅東西娛樂大家,總之唔係我最靚嘅樣樣,但係都會𠱁到你開心。」她笑言產品好有娛樂性,「我自己想要,但唔想大家都有。」
她又大爆上周與洪嘉豪睇BIGBANG演唱會,一齊入坑,「我哋噚晚都仲係傾緊BIGBANG,洪嘉豪問有冇需要傾足一個星期,GD換咗新髮型,佢仲問如果佢試,會唔會勸佢,我話GD好有型,但對住佢都會講真心話。」她笑言難以想像,呼籲歌迷不妨試試改圖。















