袁富華未諗加人工鄧萃雯搞喊金馬男配角

袁富華(Ben)早前在台灣勇奪金馬獎最佳男配角，返港後未有時間和朋友慶祝，就要投入工作。除了忙於為舞台劇綵排，還要為ViuTv新劇《婚內情》趕工，與鄧萃雯、林德信大鬥演技。

依家貴為金馬男配，大可以抬高身價，但Ben哥就指未諗加片酬一事，「我本身好鍾意做戲，所以有冇咩獎都唔緊要，最緊要有戲比我做。」至於能否升呢做主角，就要看緣份。

拍攝當日，雯女突然送上蛋糕慶祝Ben哥得獎，搞到對方忍不住喜極而泣：「咁鬼馬！唔怪之得未cut機就入黎啦！搞到我喊晒又要補妝！」提到與雯女首次合作，他說二人擦出不少火花︰「第一次同雯女合作，因為大家好肯傾，因為我舞台劇出身，好著重排練搵火花，搵最好的演出方法。（拍完有冇得放假？）冇啊，因為我地做舞台劇，拍完就要埋位閉關排戲，所以一直做落去。」