Anson Lo今次有參與新歌《Nah》作曲部份。
盧瀚霆（Anson Lo）全新歌曲《Nah》今日推出，他表示此歌是檢討自己上半年的表現，有感自己在大小事上，有時都會好慌張，會怕達不到自己要求，所以他特別製作了帶有美式Hip Hop風的新歌《Nah》，提醒自己要學懂放鬆。Anson Lo說：「聽落好似好幼稚，但相信好多人都聯繫到，有時我會好想隱藏自己驚恐嘅一面，盡量表現一個體面嘅形象俾大家睇，變相個人愈嚟愈繃緊，所以想提醒自己學會放鬆，接受同擁抱自己軟弱嘅一面。」
Anson Lo表示一直都努力隱藏自己驚恐的一面。
做驅魔人又要怕鬼
Anson Lo今次有份參與作曲的部份，他透露創作時大家會哼一些旋律，自己哼的時候會用上「Nah」字，加上「Nah」字有「No」的意思，由於歌曲是要表達向收埋自己的個性Say No，所以就把歌名索性叫做《Nah》。至於他在mv中的造型，他稱今次他要扮演驅魔人︰「呢個驅魔人睇落好似好型好有經驗，但原來佢好驚鬼，任何少少風吹草動都會嚇親佢，但佢會盡量冷靜，隱藏自己驚嘅一面，去完成驅魔嘅工作。」為了拍攝驅魔的場面，這次Anson Lo以特別造型到了一個廢墟拍攝，過程苦不堪言。
Anson Lo在MV中扮驅魔人。
當日拍攝正值酷熱天氣，Anson Lo直言拍到想暈。
愈拍愈瘦
Anson Lo回憶道：「驅魔人嘅髮型有兩隻角，係Set頭時突然諗出嚟，然後喺廢墟拍攝，係出道以嚟拍攝上最辛苦嘅一次，因為當日發出酷熱天氣警告，但我哋仲要喺咁熱嘅天氣，入一個好焗促嘅公寓景拍攝，密不透風，但著晒皮褸，裡面仲有幾件衫，好局，感覺好似就嚟暈。4年嚟未試過未拍跳舞已經由頭到腳，甚至內衣褲都已經濕晒，但最擔心係瘦咗！本身條皮褲唔使用皮帶，但拍咗3小時後要用皮帶，因為條腰幼咗，愈拍愈瘦。」
成條褲穿窿好大膽
MV裡面另外還有3個造型，除了西裝Look外，其中黑白造型加上裙褲類的腰封及畫家帽，Anson Lo指整體感覺有型又帶時尚感，他說：「平時怕戴帽跳舞會甩，好多顧慮，但今次Chill得來又玩味，戴帽會幾得意，所以就試試。」另外一個紅色上衣造型的是Anson Lo的至愛，他說道：「無聊時諗，帶個飛行眼罩喺頭，玩味感重，亦有啲得戚感覺，好啱呢首曲！同埋呢個Look，成條褲穿窿，比較大膽呢！」
ADVERTISEMENT
🥮請你食皇玥經典流心雙輝月餅🥮
👇🏼立即登記參加👇🏼
