2025-10-09 11:00:00

BabyJohn如願與林家棟合作唔敢自爆13年前曾跪地哭別台板

林家棟、朱栢謙、蔡瀚億(BabyJohn)和倪秉郎主演的舞台劇《等待果陀》(Wating for Godot)，昨日(8日)於尖沙咀舉行記者會，4位主要演員聯同導演鄧樹榮齊齊現身，BabyJohn在會上自爆讀書年代曾看過此經典劇目，結果幾乎瞓足全場，不過他保證今次廣東話版啜核又貼地，觀眾必有共鳴，「依家都係一個等嘅年代，各自各有嘢等，冇得強求，唔知等緊乜，但又好想等到，俾你等到咁又點呢？呢套戲就候俾大家感受等嘅過程。」

林家棟、朱栢謙、蔡瀚億(BabyJohn)和倪秉郎主演舞台劇《等待果陀》，將於12月公演。(娛樂組攝)

倪秉郎全劇一句對白

《等待果陀》改編自諾貝爾文學獎得主愛爾蘭劇作家 Samuel Beckart的名著，講述兩名流浪漢(林家棟和朱栢謙飾)在街頭，等待神秘人「果陀」，最終等不到果陀，卻遇上一對主僕，引發連串謊誕事，啟發對人生和宗教的反思。蔡瀚億和倪秉郎分別演主人和僕人，BabyJohn大讚，「郎哥好犀利，佢得一句對白，但呢句對白好長，我哋每個演員戥佢辛苦。不過我哋有好多互動，我會不斷咁點佢，有時好粗鄙。」

與林家棟早有淵源

談到跟自稱舞台劇新人的影帝林家棟合作，BabyJohn笑言，「我細細個喺電視睇佢啲戲，真係唔敢當佢係新人。」原來當年他憑《狂舞派》獲金像獎最佳新演員，正是由林家棟和毛舜筠擔任頒獎禮司儀，間中跟對方在宴會碰面，一直想叫家棟哥合作拍電影，估不到首次合作是演舞台劇。BabyJohn透露，家棟在圍讀時經常萬歲，大家透過吃喝聯誼，他更大爆，「佢會用舞台劇台詞send訊息俾我。」倪秉郎又大選家揀對劇本要求一絲不苟，非常認真。

幫林家棟開腐眼

BabyJohn對今次演出場地亦有獨特情意結，原來2012年他首次跟導演鄧樹榮合作的舞台劇《打轉教室》後，打算全力轉戰電影圈，當年他在壽臣山劇院完成最後一場演出後，哭著跪地親吻舞台作告別，「當年啲friend仲話我白痴，可隨時返嚟舞台，但估不到一別13年，無諗過今年我搞的舞台劇《我推的男子》，演出場地就係壽臣山劇院，而今次《等待果陀》亦是同一場地，都係一個緣份。」談到楊樂文(Lokman)因《我推》開「腐眼」，BabyJohn笑言亦開始開腐眼，更笑言已邀請林家棟和倪秉郎睇《我推》劇，讓他們齊齊開腐眼。