Ad Block Ad Block
娛樂
2024-06-10 19:28:52

MIRO見面祭|AK曾感迷失初心受動搖 感激fans成就MIRROR走得更遠

分享:
AK走入fans堆中邊走邊唱。

AK走入fans堆中邊走邊唱。

MIRROR於九展Star Hall舉行一連4日的12場《Hi MIRO!見面祭》。昨日(9)有姜濤、江𤒹(AK)、楊樂文(Lokman),今日依次序為陳瑞輝(Frankie)、王智德(Alton)、邱傲然(Tiger)及邱士縉(Stanley)

AK在活動上提到自《全民造星》比賽開始,一直都有辦不同的fans見面,而fans亦見證住MIRROR的表演愈來愈大,fans的數量亦愈來愈多,令他覺得很感動。他自覺過去5年過得不易又很快,很多事情都捉不住,但幸運地有fans一直在背後支持MIRROR,很多謝他們一直的陪伴。

AK在活動上跟fans合照。

AK在活動上跟fans合照。

支持江𤒹係值得嘅

AK又說到︰「自己呢5年都成長咗,學習咗好多,希望未來可以做多啲作品去回饋你哋,下個月自己第一次開演唱會,好少講一啲好sweet嘅嘢,做好多實質表達行動,但係我都將我所有心思落去個表演、歌曲度,希望用表演方法去回饋你哋,令大家覺得支持江𤒹係值得嘅!」

曾感迷失初心受動搖

他稱因為有fans的支持,自己才有動力走下去,所以非常珍惜每一位。他稱每當在夜闌人靜的時候,也會想自己為了大家做了多少東西,才令大家如此賣命支持自己,自覺很多東西都未做得最好,仍有很多事有進步空間。他坦言入行之後發現很多事比想像中都不容易,初心亦曾因為一些外來的因素而動搖,很多謝生粉(fans暱稱)支持,身邊亦有很多愛錫自己的前輩、朋友、同事,對他不離不棄,每當他感到迷失、迷惑時扶他一把。

Ad Block
AK表示入行之後,有感很多東西比想像中不容易。

AK表示入行之後,有感很多東西比想像中不容易。

盡200分努力回饋fans

他續說到︰「我會喺嚟緊嘅時間,我唔知幾多年,5年、10年、20年、50年又好,只要我仲有機會去表演,去做自己作品,我都會希望可以做好去感動你咃每一位,盡二百分努力去回饋大家嘅辛苦。我知大家都真係……唔容易,除咗支持我哋外,你哋都會受好多評擊,但係衷心多謝大家對我哋12個用最大包容同支持,真心好多謝你哋。無論係生粉定係其他場次支持其他隊員嘅MIRO,我覺得因為有你哋,先至可以喺呢個台同大家傾計,先至可以完成第一次world tour,去世界同大家見面,好多嘢係得來不易。」

他稱自己曾一度感到迷失,「希望之後嘅時間可以保持清醒,重新同大家再連結,重新再同大家繼續一個新嘅羈伴去行落去。」

 

《Hi MIRO!見面祭》AK專屬場。 《Hi MIRO!見面祭》AK專屬場。 《Hi MIRO!見面祭》AK專屬場。 《Hi MIRO!見面祭》AK專屬場。
請接受以下私隱政策及免責聲明,以示你同意am730內之私隱政策及免責聲明。了解更多
接受