大埔宏福苑五級火造成至少159人死亡、79人受傷，31人失蹤，不少人情緒受困。有居住在鄰近宏福苑的廣福邨居民於社交媒體上分享，表示於家中直擊整個災難過程，「無論係一開始嘅七座連燒定火災後嘅狼藉，我都睇得清清楚楚」，又直言自己距離災場僅500米，「我好似入左平行時空」。
事主：甚至仲未有勇氣再拉開房間嘅窗簾
火災至今逾一星期，事主直言，「甚至仲未有勇氣再拉開房間嘅窗簾」，又補充當時擔心火勢會繼續蔓延，又憂心死傷數字會繼續上升。事主心感難受之餘，對於自己身處家中生活如常，「我好似入左平行時空」，並表示，「覺得自己好冇用，覺得自己咩都做唔到」。
事主提及，今次事件佔據大部份生活，「每次返屋企路上嘅所有嘢都會提醒我件事未完」。事主表示，其實一直都好壓抑，但覺得自己並不是災民，「我應該要比佢哋更堅強」。
不少廣福邨街坊分享自己心境
事主的分享引起網民關注，不少同為廣福邨街坊亦分享自己心境並表示，「我地（哋）耐心啲，交比時間，我地（哋）一定會走返出黎（嚟）」、「望出窗口覺得 好唏噓，好難過，唔知點解會搞成咁」、「完完全全明白你嘅感受」。
ADVERTISEMENT
立即更新/下載AM730手機APP 體驗升級功能
