網上熱話｜巴士兩男童開大喇叭打機爆罵戰母護子反斥乘客：係你大聲嚇親佢

巴士兩男童開大喇叭打機爆罵戰，母護子反斥乘客。(Threads@dondonkenken)

雖然巴士屬於公眾空間，但不少乘客在車廂內開大喇叭睇片、聽歌甚至打機，對他人造成嚴重滋擾，情況屢見不鮮。近日有網民於社交平台控訴指，乘搭巴士時目擊一名母親帶同兩名兒子，兩名男童旁若無人地將手機音量調到最大玩遊戲。該網民與旁邊女乘客按捺不住出聲斥責，未料護子心切的母親反轟他們說話大聲嚇驚小朋友，雙方隨即爆發激烈罵戰，該網民更將對罵過程拍下分享到社交平台，引起網民的熱議。

該網民於社交平台發文指，兩名男童打機時，將手機喇叭調到最大音量，他與旁邊女乘客忍無可忍才出聲勸阻，卻遭男童母親指責該網民態度惡劣在先，「話我哋對佢個仔好惡，嚇親細路仔，但其實睇片都見到佢兩個仔一啲都唔驚，全程繼續打機無視我哋。」

兩男童旁若無人地將手機音量調到最大。(Threads@dondonkenken)

男童母親怒斥女乘客：社會敗類！

據其分享影片顯示，當時前座一男一女與男童母親在巴士「開火」，女乘客直斥兩名男童打機聲量太大，「全程都好嘈」。男童母親則激動反駁，「你可以同佢講『小朋友，你細聲啲』，唔好話『哎呀！點呀點呀你！咁大聲嗌咩嗌呀你』。」她更反指女乘客，「一開始係你大聲，嚇親佢」，女乘客隨即反擊「一開始係你兩個小朋友大聲！咁就嚇親？」對方唇槍舌劍，各不相讓，男童母親堅持自己一開始有叫兒子收細聲量，惟女乘客反駁，「咁你話咗佢，佢有冇聽呀？無聽呀嘛，你呢個老母咪好失敗」、「我惡佢係應該，因為佢無公德心呀！」男童母親不甘示弱怒罵對方，「你黐線！你有病！社會敗類！」，最終雙方互叫對方「收聲」，車廂才終於恢復寧靜。

影片網上瘋傳網民反應兩極

影片於網上瘋傳，引來大批網民留言。有網民大讚拍片者鬧得好，批評涉事男童母親無理取鬧，「少少聲都唔應該，仲話唔係好大聲」、「唔該唔好再縱容小朋友，害了自己兒女㗎」；亦有網民質疑拍片者起初勸喻時態度欠佳，「你見呢個家長咁激動，大有可能拍片者話小朋友細聲時態度惡劣在先」、「po主一直喺度拍但係冇一開始嘅提醒過程條片完全就係有問題你話小朋友唔驚你想小朋友可以阻止？」

有網民慨嘆，如今不少乘客用手機、iPad時一直開擴音，「全車都要陪住佢哋聽，收工有時想唞下，釣下魚，就夾硬要聽住啲人喺度播放自己鍾意睇嘅片」。