機管局今年共向機場員工舉行9場派發雪糕活動。(機管局圖片)
香港呢排經歷極端酷熱氣溫破紀錄，環境極為空曠嘅停機坪就更加悶熱。為保障機場員工喺暑熱天氣下嘅職業安全健康，機管局實施多項防暑降暑措施，包括今年舉行9場向機場員工派發雪糕活動，以及派防曬用品同消暑物資等，進一步提升工作環境安全。
休息區座椅將改用減吸熱物料
機場嘅主要防暑措施，仲包括喺停機坪設置3架流動水車，全天候穿梭超過10個地點供應清涼飲用水，又喺禁區範圍設置5個有空氣調節嘅員工休息室，停機坪就有49個有遮擋嘅員工休息區，入面啲櫈更將會改用減少吸熱嘅物料，同埋會舉辦預防中暑、職場防暑安全專題活動。
日前機場有一名機艙清潔工不幸猝死。機管局因應近期熱浪，提示各個部門同機場商業夥伴，必須密切留意勞工處工作暑熱警告系統嘅相關安排，持續評估各工作環節風險，並繼續檢視及改良各項防暑措施。
ADVERTISEMENT
【👇免費註冊新會員 送海洋公園門票👇】
