蔡天鳳碎屍案｜蔡母斥鄺球「老狐狸」　如非女兒付廿萬醫藥費「佢都死X咗啦」(更新)

28歲名媛蔡天鳳2023年2月疑遭殺害後碎屍肢解，蔡前夫鄺港智、前家翁鄺球、前夫兄長鄺港傑被控謀殺及阻止合法埋葬屍體罪，三人否認謀殺罪，鄺港傑及鄺港智承認阻止合法埋葬屍體罪，鄺球不承認阻止合法埋葬屍體罪。案件今日(8日)踏入第12日審訊，蔡天鳳母親張燕花繼續接受代表鄺球的大狀戴奧偉盤問，稱其丈夫、蔡天鳳繼父蔡楚生每月給過百萬元家庭作生活費，她於兌換店提取，強調「我照顧嘅人多，屋企兄弟姐妹好多，我唔係淨係顧自己㗎」，因此生活費「有時無剩」。

張燕花：夫每月給逾百萬元生活費　兌換店提取

辯方關注張燕花的家庭資產，張指他們早年居住的黃埔花園單位由丈夫蔡楚生「一次過」付款購入，另他每月轉交過百萬予張作為生活費，張從兌換店取現金，「幾乎都無入銀行」。被問為何生活費這麼多，張稱「唔係每個月都用曬，有工人、廚師，有時請呢個，請嗰個」，又指蔡天鳳的子女後來到英國留學。張又稱「我屋企兄弟姐妹好多，我唔係淨係顧自己㗎，個個都有細路仔」，因此生活費「有時無剩」。辯方呈上土地註冊處文件，證明物業曾經承做按揭，並且一度加按，張表示是丈夫簽名及決定，又指做生意周轉很正常。

辯方質疑蔡繼父欠債龐大張稱大概知債務

張燕花指丈夫「唔係好有錢，但每個月都有一百幾廿萬」，又指「佢管出面、我管屋企㗎嘛」。辯方質疑蔡楚生不是成功商人，經營生意不善致欠債龐大。張反駁「唔好咁樣抹黑喎」，稱大概知悉債務，強調認識丈夫時對方經營3間茶樓，每月賺二至三百萬元，「佢賺幾多錢要話畀你聽咩？」又指「海南（生意）真係賺錢」。蔡楚生每次回港，都會「幾十萬、幾十萬咁俾」蔡天鳳，「當正親生女兒」。

張稱親戚朋友都幫「呢個畜牲我都幫啦」

辯方問為何不把錢交回丈夫還債。張稱「識我嘅人你可以打聽，我好幫人」，辯方關注為何張燕花仍向鄺家提供金錢支援，她指鄺港智「一個月都用我幾多錢，佢都冇錢，佢買咩都係叫我買」辯方追問為何要這樣幫鄺港智？她稱「咁佢當時係我女婿吖嘛」、「我親戚朋友都幫，唔好話個畜生我唔幫啦」、「養咁多人，兩個孫、兩個細路仔，幾兄弟姊妹，呢家吸血鬼，一蚊都冇畀過養細路仔！」、「佢哋冇買過一樽奶粉係事實」，指她照顧鄺家，連鄺球妻子李瑞香的買餸錢都有支持。

辯方呈堂蔡天鳳的遺產管理書，指張燕花及蔡天鳳伴侶譚方駿為遺產管理人。文件顯示，蔡在星展銀行有約340萬港元，花旗銀行有約200萬港元，渣打銀行則少於100萬港元。辯方指，張曾供稱蔡有能力支付2000萬現金置業，但文件可見蔡沒有足夠金錢。張稱女兒說可以負擔：「你話佢唔夠錢買樓，佢未走5日前都仲話要比500萬我，佢錄音呀，冇得假㗎....佢冇講過大話，啲錢就係畀人呃晒」。

蔡母：你聽佢吹啦！飯都無得開，邊有錢買勞斯萊斯

辯方指出鄺球從沒向蔡家借錢，張則反指蔡天鳳每月給鄺球生活費，包括匯錢到其戶口，並斥鄺球為老狐狸：「老狐狸好狡猾㗎！以我所知，鄺球有錢，都係阿囡畀佢嘅。」

張更透露：「鄺球條命都係我個囡救」，「鄺球病到就嚟死啦，都冇錢睇醫生，都係阿囡碌卡埋單用廿幾萬救返佢，如果唔係佢都死X咗啦，半個鐘都死啦」，再斥「唔係人嚟㗎呢班！」，辯方指勞斯萊斯及另一架私家車登記於鄺球名下，因為是屬於他，張否認：「你聽佢吹啦，飯都冇得開，邊有錢買勞斯萊斯？6、700萬，眼甘甘講大話。」辯方指鄺球不是的士司機，而在內地做生意，張反駁：「佢做鬼咩？」，強調女兒每個月給鄺球兩萬元生活費。辯方稱加多利山物業鄺球有份出一半資金，張燕花不同意，說無可能。

辯方問到是否知道蔡天鳳的支出習慣，張燕花表示蔡天鳳自己並不「大洗」，但每月向鄺家支付約26萬元。至於去外國旅行，張燕花說是由蔡天鳳現任配偶譚方駿安排，稱譚對蔡很好。辯方指譚方駿與蔡天鳳於2021年到澳門，欠下500萬賭債並由蔡任擔保人，收數公司騷擾譚家，張燕花指債務最終由譚方駿的父親償還。辯方又指譚父還債時，曾向擔任過警員的鄺球求助，張燕花回應不知道，惟只知道鄺球曾向譚父借錢。

其後代表鄺港智的大律師開始盤問，張燕花說曾經當鄺港智「半邊仔」，曾向她學習海南話，因為自己在家中和蔡天鳳只以海南話溝通，鄺港智學習是為了與他們溝通。辯方一度質疑張燕花剪裁自己的證供以配合警方，張說只是配合警方調查。

案件編號：HCCC198/2025