![網上熱話|連登仔怒斥的士佬態度差 列5大冤屈掀網民共鳴!](https://cdn.am730.com.hk/s3fs-public/styles/article_image/public/2024-05/ZR_7.jpg?itok=fV9l4-qz)
網上熱話|連登仔怒斥的士佬態度差 列5大冤屈掀網民共鳴!
的士加價成為社會熱話之一,加上不時都會聽到有人狠批部分的士司機的態度不友善,令到大家對此的反應更大。日前有連登仔就在討論區上發文,劈頭直指「入嚟講低你受過DC9既氣」,更主動拋磚引玉地列出自己搭的士曾遭受過的5大冤屈,引來大批網民紛紛表示有共鳴!
![圖片來源:TVB《失憶24小時》劇照](https://cdn.am730.com.hk/s3fs-public/styles/article_image/public/2024-05/WhatsApp%20Image%202024-05-24%20at%2017.29.53%20%288%29.jpeg?itok=fQOFOwA_)
圖片來源:TVB《失憶24小時》劇照
連登仔不滿的士佬態度差 主動發文拋磚引玉
的士司機的態度一向備受爭議,業界中固然有友善親民的司機,無奈卻有部分司機因為「揀客」、「亂收錢」或駕駛技術等問題,引起部分乘客不滿。適逢近日的士業界正爭取加價,有關的士的爭議又一次變成網絡熱話。日前有連登仔在討論區上以「入嚟講低你受過DC9既氣」為題發文,列出自己搭的士曾遭受過的5大冤屈!
![Ad Block](/assets/v2/img/ui/代替網上廣告_300_250px.jpg)
![圖片來源:LIHKG討論區](https://cdn.am730.com.hk/s3fs-public/styles/article_image/public/2024-05/WhatsApp%20Image%202024-05-24%20at%2017.29.51.jpeg?itok=_f98knfZ)
圖片來源:LIHKG討論區
![圖片來源:Facebook@的士司機消息平台](https://cdn.am730.com.hk/s3fs-public/styles/article_image/public/2024-05/WhatsApp%20Image%202024-05-24%20at%2017.29.53%20%289%29.jpg?itok=4wbGCNNp)
圖片來源:Facebook@的士司機消息平台
列搭的士受過之5大冤屈
發文者分享自己搭的士遭受過的5大冤屈,劈頭先指自己「成世人有過百次」曾因司機表示「唔過海」、「交更」而被拒載,亦試過於街邊截車時,司機「凸個頭出黎問去邊」,聽完之後「講都唔講,踩行油走咗去」。此外,在凌晨時分「得五百蚊紙,車程兩舊左右」,司機回應「咁大張 冇得找喎 」、「冇PayMe 喎!」,以及搭Uber Taxi「上客個gps差一個街口,上車串足你半程車」。又分享一年小時候菲傭姐姐帶著他截車的故事,揚言曾被司機問及「交更時間好難截,你加幾多錢?」
![圖片來源:TVB《降魔的》劇照](https://cdn.am730.com.hk/s3fs-public/styles/article_image/public/2024-05/WhatsApp%20Image%202024-05-24%20at%2017.29.53%20%287%29.jpeg?itok=Z4Qwm4gz)
圖片來源:TVB《降魔的》劇照
大批網民極有共鳴:Chok過林峯
發文者的5大經歷引起大批網民關注,有網民表示有共鳴之餘,更紛紛留言分享自身經歷。有網民指自己搭短途車時,司機當面對的士台的其他司機表示「呢D咁cheap既旗,等我黎做」、「我話去青衣地鐵站,佢話直接去你既目的地啦,又要轉車又剩咁,一係咁窮就唔好坐的士啦,但嗰陣我住盈翠」。更有網民不滿的士司機的駕駛技術,揚言「最憎佢哋啲風琴腳」、「CHOK過林峯」。
![Ad Block](/assets/v2/img/ui/代替網上廣告_300_250px.jpg)
![圖片來源:TVB《降魔的》劇照](https://cdn.am730.com.hk/s3fs-public/styles/article_image/public/2024-05/WhatsApp%20Image%202024-05-24%20at%2017.29.53%20%285%29.jpeg?itok=L2LfdoOg)
圖片來源:TVB《降魔的》劇照