圖片來源：Threads、TVB《愛回家之開心速遞》劇照
大家出外光顧食肆，菜單總會有常見的指定配搭，例如乾炒牛河而非雞河，芒果布甸加花奶而非煉奶。如果出現罕見的配搭，令人搲爆頭又得啖笑。早前，有港女飲茶食芒果奶凍時，就被放在頂頭的車厘茄嚇親，引來大批網民分享食物罕見配搭。
大家有沒有試過飲茶時遇上奇異的食物配搭？有港女就分享奇特經歷。(AI圖)
飲茶食芒果奶凍 驚見車厘茄扮車厘子
飲茶要趁人多才可以柯打多啲嘢食，部份傳統舊式酒樓更會有懷舊點心，例如菲林卷、芋蝦；甜點兔仔棉花糖、放上竹簽傘的芒果布甸等。早前，有港女適逢食lunch去飲茶，點選了一客芒果奶凍，豈料上枱後發現多數頂頭裝飾的車厘子，竟然變成車厘茄。驟眼睇兩者形狀及顏色相似，之不過車厘茄通常多配鹹食如pizza、沙律，襯甜品如芒果奶凍都是第一次見！
港女驚嘆「唔正常」
而放在芒果奶凍上裝飾的，多數是出現於雜果賓治或其他蛋糕頂的糖漬帶光澤車厘子，雖然入口有淡淡藥水味混搭甜味，但論經典或懷舊風味卻非它莫屬。不過，今次甜甜的車厘子無端端變成車厘茄，令港女大惑不解：「想知廚房大佬呢排係咪好大壓力」、「我只係想食個正常lunch啫」。
港女驚嘆「唔正常」。(圖片來源：ViuTV《和解在後》劇照)
網民分享食物罕見配搭
帖文引起網民關注，有網民回應車厘子變車厘茄有創意，笑稱「車厘茄同車厘子都中兩個字啦，車厘龜就話啫」、「其實都幾好吖，芒果同車厘茄都係水果，個賣相都冇咁寡，係個配搭比較超前咗小小啫」。亦有網民分享見過的食物罕見配搭，「有次經過甜品鋪有啲卷蛋喺雪櫃望落靚靚地，通常上面綠色咪放薄荷葉或者其他herbs，行近望真啲翡翠苗嚟嘅」、「講起呢啲9唔搭8配搭，諗起有次食玉子燒，碟野有藍莓同車厘茄做配搭」。
