娛樂
2019-04-26 06:00:00

許志安黃心穎合體節目腰斬 落選港男拍片再抽水

分享:
Flow謂今次拍片是希望大家追求真相,但就遭網民批評他博出位,令人煩厭。

Flow謂今次拍片是希望大家追求真相,但就遭網民批評他博出位,令人煩厭。

多次在網上對「安心偷食」發表言論的落選港男梁裕恆(Flow),前晚再度出擊,自拍片段繼續為心穎發聲,結果遭網民狂轟。至於心穎因為形象插水被無綫雪藏,不但取消她錄影《流行經典50年》,就連周六下午重播節目《我愛香港》亦都要腰斬!原定本星期會播出許志安擔任嘉賓的一集,由於心穎有份主持該節目,為免二人「合體」惹來公憤,無綫改播草蜢和謝安琪主持的《快樂聯盟》。

 

Flow在片中指「安心」二人已發展兩年,又質疑的士片段是一個局,又認為整件事都是一個公關技巧︰「鄭秀文嘅聲明、馬國明出嚟見記者,馬國明嘅態度,好似覆述緊一個第三者嘅事,完全睇唔出有任何傷心嘅,大家形容佢係一個好男人,我形容,大家從來都冇愛過,如果愛過,就係冷血㗎喇。同樣,鄭秀文亦都係吖,當晚就話捉住大家隻手,然後就話祈禱,然後就傾咗好多偈,大家有冇試過嬲過你老公?會唔會只係一個公關嘅技巧,背後嘅原因係咩呢?會唔會係一啲商業嘅考慮呢?」

不過片段公開之後,不少網民指責Flow不停抽水,完全沒有顧及好友黃心穎的心情,有人留言謂︰「我係你就收聲啦!等啲人淡忘咪算囉!你係想出位都唔好出賣朋友啦!」未幾Flow把片段下架,及至深夜再把片段公開,現時片段已經移除。
 

隱私權保護政策
請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多
接受