娛樂
2022-11-11 15:34:13

許廷鏗向熊仔頭大爆喺TVB做歌手好奇怪 棄做王子:被培養到覺得呢樣係必要

分享:

影片截圖

許廷鏗(Alfred)昨日(10日)宣布將於12月30日及31日喺Star Hall舉辦演唱會,亦係成立個人公司後首個個人演唱會,門票詳情將於下周二(15日)公布,令一班歌迷相當期待。許廷鏗日前擔任YouTube頻道「FHProductionHK」熊館系列嘉賓,與熊仔頭大爆喺TVB做歌手好奇怪,實行有問必答。 

圈中男藝人自我解決救失眠

許廷鏗於訪問開頭率先表示希望仲做到偶像派歌手,認為唱到唔走音又唱得好係歌手基本。熊仔頭笑指估唔到佢由頭到尾都想做偶像派歌手,許廷鏗就表示:「因為知道自己甩緊呀嘛!」。許廷鏗又大爆圈中男藝人與佢分享嘅失眠良方,就係自我解決令自己精盡人亡。整完如果要清潔,成個人都會醒晒,所以整完即刻瞓。

熊仔頭驚訝許廷鏗會爆出呢番言論,直言以為佢TVB出身及後簽約華納,喺大公司保護下答問題會客客套套,仲問及:「唔使繼續保持呢個王子形象咩?」許廷鏗回應指而家呢個年代唔需要王子,無咩必要再喺到扮王子Mode:「我被培養到覺得呢樣係必要,唔好令到公司蒙羞,我講嘅嘢唔係只係為自己負責任,要為埋身邊嗰啲人負責任,唔想成為人地煩嘅一個原因。」

不願與張敬軒比較提攜新人

熊仔頭問到許廷鏗開個人公司原因,許廷鏗坦言:「喺電視台做歌手好奇怪,我啲歌好亂,喺TVB後期,有時係我自己想做,有時就係啲劇集嘅片尾曲,啲觀眾唔知我做緊乜。我做緊大碟嗰啲錢,係因為劇集用剩啲錢,先可以做碟囉,原來係要喺一啲肥水流田之後濕腳嘅位,我先可以用嚟做自己想做嘅音樂,跟住我覺得唔得喇,我真係想做音樂。」

不過,許廷鏗承認身兼藝人及牙醫曾一度想過放棄藝人或牙醫工作;但牙醫方面,認為自己識又唔做,過唔到自己嗰關,想幫助更多嘅人。不過,因為一個網民留言而重新審視自己呢種行為啱唔啱:「因為睇到啲留言,有個po將我同張敬軒比較,以為我成日覺得可以係軒仔咁樣,去提攜樂壇新人,但大家明明唔同級數,身份地位完全不同層次。」

影片截圖

影片截圖

影片截圖

影片截圖

影片截圖

影片截圖

影片截圖

原文刊登於 Yahoo娛樂LOL,am730獲授權轉載

隱私權保護政策
請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多
接受