張敬軒與李司棋一拍即合。
張敬軒和李司棋看似「大纜都扯唔埋」，實情二人不時會在對方的社交帳號上留言互動。日前他們合作拍攝喜療妥廣告，令兩位「網友」終於可以見面。
司棋姐表示得知今次與軒仔合作，令她心情非常興奮，更令她前一晚難以入睡。她說︰「幾廿歲人都未試過，因為從來冇見過軒仔真人，我好鍾意佢對眼，一望到佢對眼就唔記得對白，我鍾意咗佢好耐，佢個樣好似我細個睇公仔書裡面嘅白馬王子。」
李司棋好冧張敬軒。
司棋姐請軒仔食雞
被司棋姐送上大高帽，軒仔亦禮上往來說：「我今日都好開心，終於網友見面，其實我哋喺網上識咗一段長時間，好鍾意睇佢啲帖文，睇佢食嘢特別好味，好欣賞佢著衫嘅穿搭，對生活嘅品味，今日司棋姐仲親手整咗茶燻雞請我食。」
問司棋姐是否見到軒仔早餐「無啖好食」，所以親自下煮，她解說：「我見到軒仔朝早要食嗰種早餐，我都試過，有衝動想過去佢度幫手煮幾日早餐，尤其見到軒仔父母唔喺身邊，冇人照顧，加上工作又忙，睇到我好心赤。」
張敬軒指李司棋原來很鬼馬。
邀李司棋做MV女主角
得到司棋姐愛錫，軒仔坦言想邀請對方做MV女主角：「我成日諗，好想有個MV可以搵司棋姐出演女主角，安排一個劇力萬鈞嘅角色俾佢，但今日見到真人，發覺佢生活同銀幕上係兩個人，反而應該要搵佢做一啲好瘋狂、好多面嘅角色。」在旁的司棋姐受寵若驚說：「你叫到我一定幫手！」