娛樂
2022-09-05 19:32:47

有個閨密叫祖藍|拍《封神榜》遇母中風 苑仔感嘆做演員身不由己

分享:
苑瓊丹提起母親時,雙眼通紅。

苑瓊丹提起母親時,雙眼通紅。

由王祖藍擔任主持的綜藝節目《有個閨密叫祖藍》,昨(4日)晚十點半無綫翡翠台播出第六集,嘉賓是苑瓊丹。無所不談的苑仔,大談對事業、愛情及友情看法,句句啜核兼盡顯真性情。

 談到代表作《封神榜》,苑仔坦言劇中每滴都是真眼淚,皆因無論當時自身真實處境或是角色背景,均是「忠孝兩難全」:「嗰時要返內地取景一個月,冇幾耐屋企人打嚟話我阿媽中風。我當時搵監製:『如果媽咪嚴重我要即刻走』,第二日我媽打嚟勸我唔好走,叫我做埋佢。」

說到此處,苑仔苦笑並鬆鬆肩謂:「依家都忍唔到(想喊)添……你屋企人有事,你又要堅守工作,係忠孝兩難存嘅。到我返香港落機,見到媽已經瘦晒,動作唔係好靈活,因為我好少離開屋企咁耐,所以我媽嚟接機。(王:因為佢掛住你)你諗吓佢啱啱出院,係好難受嘅事……所以《封》對我嚟講係唔使用眼藥水,係一個最成功而又最難受嘅日子。」苑仔說到此處不斷拭淚,並謂希望觀眾朋友能多點支持演員們:「因為演員係好身不由己嘅職業,當你開始咗話唔拍,咁邊個承擔損失?」

苑仔指當年開始拍攝《封神榜》不久,即收到母親中風噩耗 。 想起當年完成拍攝後回港一刻,見到瘦弱的母親親自接機,苑仔再堅強還是忍不住要拭淚。 苑仔大嘆做演員其實相當身不由己。 苑仔感嘆世上沒有理所當然,大家都要珍惜眼前人。 苑仔感嘆世上沒有理所當然,大家都要珍惜眼前人。

凡事非理所當然

之後苑仔媽咪再於苑仔離港工作期間與世長辭,令苑仔決心減少接離港拍戲的工作:「嗰時返內地拍第一部做女主角嘅戲,我媽就突然中風走咗,我係搭飛機趕返嚟,第二日再飛返番劇組。」有了經歷,苑仔亦因而有了頓悟:「我成日勸我啲朋友,『唔好以為每日返屋企,你阿媽煮飯畀你係理所當然』,同埋唔使有好消息,冇壞消息就係最好嘅消息。」

最美滿的婚姻是放任

母親離世除了令苑仔明白世事無常,亦讓苑仔在愛情方面有所成長。事緣苑仔曾因目睹男友偷食大受打擊,更一度不再相信愛情:「點解後尾我咁多男朋友呢?因為覺得冇所謂,個個都係咁架啦,冇咗甲又有乙、冇咗乙又有丙。到我媽媽走咗之後,我睇番轉頭其實你唔好淨係睇人缺點,你要睇到人優點先得,咁好多嘢就唔會計較。」自此苑仔學會感恩,並對「美滿婚姻」有了獨特看法:「有個人喺旁邊不斷支持你其實係一件好事。最美滿嘅婚姻係咩?係放任。你鍾意做咩?隨便!信任係會有要求喺裏面,放任係一啲要求都冇。」

苑仔還大方分享了當年如何撞破前度偷食。

苑仔還大方分享了當年如何撞破前度偷食。

爆偷食前度似足王祖藍

當提及當年前度偷食事件,已看得很開的苑仔說著說著更搞笑地拿祖藍開玩笑:「嗰日我諗住去佢屋企畀驚喜佢,見冇人咪匿埋先。之後聽到有人講嘢同開門閂門聲,行出去一睇見到佢同個女仔親熱喎,我直頭啲血由對腳衝上個頭,真係嚇親。(說畢指著祖藍)佢仲要好似你添呀,一個大鼻仔,個樣仲要好謙厚。」王聞言即反擊謂:「你唔好咁講呀,我以為係黃光亮架。」場面爆笑。

隱私權保護政策
請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多
接受