娛樂
2022-05-26 16:04:06

張敬軒演唱會|藍奕邦站台讚軒仔冇忘本 幾十萬元歌衫被嘲似白花油咁樣回應

分享:
藍奕邦站台大讚張敬軒冇忘本,所以決定任其個唱嘉賓。

藍奕邦站台大讚張敬軒冇忘本,所以決定任其個唱嘉賓。

張敬軒的紅館騷《The Next 20 Hins演唱會》昨日舉行至第22場,連日來場次均會有兩組嘉賓登場,昨晚就請來岑寧兒(Yoyo)和藍奕邦,前者以靚聲與軒仔合唱《黃色大門》,更獲主人家公開承諾:「只要我揸住、管理緊Avon錄音室一日,我都會sponsor你所有recording。」岑寧兒聽完當堂嚇呆,笑言要多用錄音室,她獲軒仔大讚是不可多得的好歌手,希望她可以多留時間在香港發展。

唱到安哥環節,軒仔介紹相識20年的藍奕邦,透露當初來到香港朋友不多,藍奕邦就是他其中一位入屋好友,他表示:「今次演唱會,我打過畀佢,我話喺我20周年,好想你嚟見證,冇幾多個廿年,人生亦都冇幾多個20年嘅老朋友。」藍奕邦姣爆登場,兩人先合唱一曲《我倫敦你紐約》,之後藍奕邦談到今次答應任嘉賓原因,是很感激軒仔,亦代表所有觀眾多謝他,因為他一直以來都「冇忘本」,藍奕邦續說:「你冇忘本嘅意思就係,識你咁耐,同埋近年對話當中,我知道你好清楚,你得到嘅所有成就係咩人、邊度嘅人,同埋邊一個地方嘅人畀你。」令全場熱烈喝采及報以掌聲。完騷後,藍奕邦在IG發文多謝軒仔,又自爆忙記在台上向軒也送禮物,自言要去飲番杯冷靜一下。

張敬軒演唱會|藍奕邦站台讚軒仔冇忘本

兩人合唱《我倫敦你紐約》。

顏福偉送40支白花油

連日來,軒仔在個唱上均穿着鑲有近10萬粒珍珠及水鑽的Richard Quinn高訂歌衫,昨晚也不例外,當他以這套名貴打扮登場時,怎料即引來台下歌迷大叫:「白花油。」軒仔即說::「邊個嗌白花油?你同我企起身!」對於網上有人指這套靚衫似「白花油」包裝,軒仔就扮嬲反駁:「呢件係Richard Quinn男裝高訂嚟,成幾十萬…」,最後他還笑住爆料:「就因為咁,顏福偉送咗40支白花油畀我。」引來全場大笑。

昨晚第22場,還請來岑寧兒任嘉賓。

昨晚第22場,還請來岑寧兒任嘉賓。

張敬軒穿上價值幾十萬的Richard Quinn高訂登場,卻被指似「白花油」。

張敬軒穿上價值幾十萬的Richard Quinn高訂登場,卻被指似「白花油」。

隱私權保護政策
請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多
接受