娛樂
2022-05-15 18:16:58

張敬軒演唱會|Serrini做嘉賓高呼要「泰國捐精」軒仔:我嘅價值係俾機會新人

分享:
Serrini送上鑽石砌割的心形葉盆栽給軒仔作禮物。 出道20年的軒仔自言曾是嘉賓王,現在要給新人更多演出機會。

張敬軒的The Next 20 Hins演唱會補場來到第五晚,一直揚言每晚都當尾場做的軒仔,昨晚(14日)破紀錄四度返上舞台encore,教歌迷興奮又滿足。軒仔自言在新人時期曾是「嘉賓王」,感激獲前輩提攜,「我應該利用自己手頭上得到嘅再分享俾人,呢個先係我價值……而我都要俾番機會新人。」然後他介紹嘉賓Serrini出場,早前有傳昨晚的嘉賓是MIRROR成員,但Serrini令全場起哄,無損觀眾興緻,氣氛熱烈。

演唱會由40歲開到41

軒仔表示,原想將這次20周年演唱會送給自己作40歲的生日禮物,沒想到由40歲開到41歲,他坦言疫情下開騷,心理壓力不輕,但漸學會好好活著,好好把握自己在世上的時間,做自己喜歡的音樂,「我要將上帝俾我嘅使命好好去履行,我喺樂壇不是純粹要呃like ,喺IG扮鬼扮馬氹大家開心。我應該利用自己手頭上得到嘅再分享俾人,呢個先係我價值!」他感激前輩在他做新人時給予表演機會,讓更多人認識他,故他亦希望能多給予新人機會,「今晚嘉賓都係一位新人,我哋冇乜交集,但識咗好長時間,呢個咁有才華嘅女人,咁叻、咁有趣,令我流曬口水,希望將來音樂上有合作!」當 Serrini出場時,全場歡呼四起,掌聲不停。

軒仔與Serrini合唱《披星戴月》。 Serrini的「絲絨被」戰衣,被軒仔指好似小鳯姐。

Serrini獻紅館第一次  高呼:我要「泰國捐精」

Serrini以「戰衣」登場,即被軒仔笑問「咁似聖誕樹?波波裙⋯⋯我以為係小鳳姐。」 Serrini回應道:「我係似雀仔係咪?其實呢件係絲絨被。」隨後她表示有禮物送給軒仔,「我見人人都有禮物,不過我唔會送果醬嗰啲⋯⋯呢個係一個鑽石砌割的心形葉。」軒仔接過盆栽笑言,「我知呀,呢種叫多肉植物嘛!」Serrini答:「咪係我囉。多肉樹樹⋯⋯你唔駛淋咁多水,dry dry哋就得。」軒仔即抵死接口,「dry dry哋,咪似我?」Serrini就話:「因為你頭先升高咗個lady  (諧音:single lady)」。兩人合唱《披星戴月》後,Serrini獨唱《旋轉with me 》。

Serrini演唱完後,於後台聽到軒仔的《櫻花樹下》音樂響起,抵死地說:「我又要『泰國捐精』!」然後待軒仔唱到「太過堅貞」一句,便自拍高唱「泰國捐精」,十分興奮。問到她於台上看似十分緊張,Serrini坦言:「真係唔知點解見到軒仔就緊張到不得了,想講嘅說話都唔記得咗。」她透露跟軒仔是由網友變朋友,「佢好早follow我,跟住咪網友囉。佢對朋友好好,而且佢聽得明我啲無聊笑話。所以我地好多嘢傾。我嘅第一次⋯⋯紅館做嘉賓就俾咗佢,哈哈。」

軒仔演唱會獲老闆楊受成親身捧場。 演唱會雖要補場舉行,但不減樂迷興緻。
隱私權保護政策
請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多
接受