娛樂
2022-08-30 16:17:10

隔離童話集|梁祖堯從柳應廷《人類群星閃耀時》獲創作靈感 Jace陳凱詠淚崩謝幕

分享:
梁祖堯透露寫著《人類群星閃耀時》寫《隔離童話集》的劇本。 Jer的《人類群星閃耀時》傳遞「We are One」以愛彼此連結的訊息。

由梁祖堯(阿祖)、湯駿業(Ah Dee)、邵美君、趙學而及Jace(陳凱詠)主演,譚玉瑛姐姐驚喜加盟的21場風車草舞台劇《隔離童話集》,於昨晚(29日)圓滿落幕。眾演員經歷颱風襲港及替補演員上陣等波折,初演舞台劇的Jace完成有驚無險的歷程後,一完Show已在台上淚崩。劇中演唱MIRROR成員柳應廷(Jer)《人類群星閃耀時》的場面,令觀眾大為感動,梁祖堯坦言,人生走到盡頭,惟有愛存留在靈魂裡,「Jer呢首歌令我好感動,寫出動人嘅場面。」

《隔離童話集》眾演員共同經歷21場的演出波折,完show時大感不捨。 Jace完成最後一場演出後,激動淚崩謝幕。

Jace喊到黐咗線

首次參演舞台劇的Jace在謝幕時眼淚流不止,事後她解釋演舞台劇的感覺很直接很真,完全感受到21場裡觀眾的喜與悲,所有都跟一班演員同步發生,劇場的力量真的好強大,好多謝台前幕後、fans和觀眾的愛與支持我嘅Fans,「昨晚謝幕喊到痴咗線,眼淚係咁自己滴出嚟,先知原來好唔捨得,因為我哋用咗個零兩個月排練,一齊經歷咗21場,晚晚上演所有嘢重新經歷一次,甚至有啲日子係一日經歷兩次,一班人經歷好多嘢,所以今次完show後遺症真係不得了!」Jace揚言對舞台劇演上癮,更希望有機會參與音樂劇演出。

Jer每次演唱《人類群星閃耀時》都獲現場觀眾一起和唱。 《隔離童話集》在觀眾好評下圓滿落幕。

《人類群星閃耀時》啟發創作靈感

今次阿祖首度獨自創作劇本,在劇中加入大量跨越多個年代的歌曲,其中Jer的《人類群星閃耀時》感動不少觀眾,阿祖表示,習慣聽住歌寫劇本,而《人類群星閃耀時》正是陪住他演《隔離童話集》劇本的歌曲,愈聽愈有感覺,「當一個人經歷晒所有嘅嘢,好與唔好、快樂與哀愁,人生彷彿走到盡頭進入靈魂狀態,喺一片繁星星空裡面,嗰一刻望返轉頭,自己擁有過啲乜嘢呢?其實可能只有愛,其他乜都帶唔走,但愛可以喺靈魂裡面仍感受到,擁抱住。Jer呢首歌俾到我呢樣嘢,令我好感動,寫出動人場面。」

《隔離童話集》獲譚王瑛姐姐演本尊。 湯駿業形容譚玉瑛是人所共知的象徵人物,大讚她演出很專業。

譚玉瑛姐姐演本尊

《隔離童話集》的一大驚喜是由譚玉瑛姐姐演本尊,Ah Dee指出,由於他演的陳大文在成長中走歪路,變得好乞人憎好Mean ,要勾返起大家童真,必須找一位所共知的象徵人物,於是膽粗粗邀請譚玉瑛參演,「佢二話不說話:『好呀!玩呀!』所以係好感動。成個過程譚玉瑛姐姐都超級專業,一埋位已經背好晒劇本,我喺演嘅時候見到真人,令我更加知道角色點做,因為見到真正嘅譚玉瑛姐姐,諗返起我嘅成長,到而家經歷咁多事,變成今天嘅自己。」

驚險確診應變

去年因颱風襲港一日演4場《回憶的香港》,今年《隔離童話集》亦因颱風影響演出日程,不過最大考驗反而是劇中有演員的家人確診,邵美君表示,「其實這次風車草劇團再一次經歷襲港的情況,不過另一個,令劇組要作出應變,阿君道:「近期好多香港劇團都有替補演員策略,佢哋會準備唔同角色對白,一旦受疫情影響可有替補演員頂上。今次我哋都面對呢個問題,做到中段有個演員屋企人確診,係密切接觸者,佢立即做核酸檢測,按照程序做晒測試同隔離後發現冇事,之後亦可以歸隊,係一次好驚險嘅情況,但都叫做順利過度。」

隱私權保護政策
請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多
接受