娛樂
2022-08-22 15:40:26

白色強人II|高鈞賢抽搐戲獲激讚 拋低港男包袱 回港發展為挽救感情?

分享:

白色強人2|高鈞賢抽搐戲被激讚拋低港男包袱 回港發展因想挽救感情?

近年北上發展嘅高鈞賢,去年有傳因當時嘅緋聞富家女友吳玥彤而返香港發展,與邵氏簽下5年經理人合約,而高鈞賢有份演出嘅《白色強人II》,佢嘅演出獲觀眾大讚好戲。

高鈞賢繼《飛虎3壯志英雄》稍稍亮相而備受網民關注,外表無走樣之餘,變得更加穩重。高鈞賢於《白色強人II》飾演關卓軒(Ryan),本與李文信Vincent(陳豪飾)一齊擔任世界醫護團醫生,但正正喺Ryan準備回港與老婆團聚時,因Vincent生日而替代佢出勤,卻於戰區發生意外被子彈射中頭部,影響記憶及語言能力,不時會出現抽搐情況;返到香港不但做唔番醫生,老婆更帶女兒離開。Ryan轉為擔任便利店店員,期間一次追賊時被扑暈,被送往明成北醫院後與Vincent重逢。未料Ryan突暈倒,經檢查後得悉當年腦內嘅子彈已移近腦幹,引致心臟隨時會停頓,YT(郭晉安飾)勸告Ryan接受手術,不過Ryan拒絕治療,並留下拒絕急救字條;當YT發現佢心臟停頓時,只能放棄急救。

為演好角色 高鈞賢請教舞台劇導演

為詮釋好Ryan一角,高鈞賢事前搵咗舞台劇肢體導演黃俊達一齊研究,同埋上網睇好多資料,希望唔好做得太誇張,想盡量自然啲,連陳豪都大讚高鈞賢內心戲做得好。大批網民亦指高鈞賢演出有驚喜,與以往演出與別不同,仲話希望佢可以得到更多機會:「當一個演員能夠放棄以前的包袱,演出令人認同,他就是一個好演員,只是一段戲都演得令觀眾有共鳴」、「以前淨係覺得佢係花瓶,今次返嚟真係唔同晒」、「高鈞賢終於拋低佢港男包袱,演得好好」、「難得高鈞賢返香港拍劇,唔駛少戲成咁呀?好想睇多啲佢條線」、「痴線!真係做得好神似!演技大爆發」等等。

至於感情方面,高鈞賢緋聞女友吳玥彤擁有碩士學歷,2019年先後參選過港姐及亞姐。有指,吳玥彤家住淺水灣逾億元獨立屋,父母內地經商,家底豐厚,IG生活照都係有關出海、名牌手袋、下午茶等。雖然未有正式承認關係,但吳玥彤經常於IG Story分享二人合照;高鈞賢也曾向傳媒表示有位拍拖多年嘅女友,惟之前北上發展聚少離多曾分手,呢次希望努力去維繫感情,又指想留港與雙親及14歲愛犬相處多啲。

《白色強人II》截圖

《白色強人II》截圖

《白色強人II》截圖

《白色強人II》截圖

《白色強人II》截圖

《白色強人II》截圖

《白色強人II》截圖

《白色強人II》截圖

《白色強人II》截圖

《白色強人II》截圖

《白色強人II》截圖

《白色強人II》截圖

《白色強人II》截圖

《白色強人II》截圖

《白色強人II》截圖

《白色強人II》截圖

《白色強人II》截圖

《白色強人II》截圖

高鈞賢

高鈞賢Facebook

高鈞賢

高鈞賢Facebook

高鈞賢

高鈞賢Facebook

高鈞賢

高鈞賢Facebook

高鈞賢

高鈞賢Facebook

高鈞賢

高鈞賢Facebook

原文刊登於Yahoo娛樂LOLam730獲授權轉載

隱私權保護政策
請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多
接受