娛樂
2022-12-06 15:43:10

阿媽入ICU 李泳豪怒斥有人爆家事 施明同細仔傳不和 原因同新抱有關?

分享:

阿媽入ICU 李泳豪怒斥有人爆家事 施明同細仔傳不和 原因同新抱有關?

今日有報導指,鼎爺李家鼎前妻施明跌傷頭部入院,更需要接受開腦手術,再於ICU留醫。施明同鼎爺嘅細仔李泳豪受訪時承認媽咪前日做腦部手術,但已經渡過最危險時期,估計要多7-8日先醒。而家泳豪同新婚太太Agnes日夜守候等消息,但佢都向傳媒表示,本來只有家人先知施明入院,直斥有人放料。

阿媽入ICU 李泳豪怒斥有人爆家事 施明同細仔傳不和 原因同新抱有關?

阿哥結婚無現身

李泳豪同孖生阿哥李泳漢,向來同施明關係密切,施明早年同李家鼎離婚後,帶住2個仔去美國生活相依為命。但係泳豪10月中同台灣女友Agnes結婚,並且喺老竇鼎爺嘅私房菜餐廳內舉行註冊儀式時,施明同泳漢都冇現身,施明同泳豪不和之說不脛而走。

阿媽入ICU 李泳豪怒斥有人爆家事 施明同細仔傳不和 原因同新抱有關?

施明擔心Agnes年紀太大

同拍拖多年嘅楊思琦分手鬧出滿城風雨,李泳豪多年後終於走出舊愛陰霾,2年前同台灣女子Agnes發展新戀情。當時豪仔直認有拖拍,又話鼎爺同施明對女友印象好好,已經視佢為結婚對象。但有報導指,後來施明得知Agnes同泳豪同年,擔心佢地嘅年紀想有小朋友都唔易。或者因為想法唔同,據知泳豪同屋企人開始有隔膜,甚至結婚都唔通知阿媽同阿哥。

不過那邊廂新老爺鼎爺就對新抱好滿意,並澄清施明同泳豪冇不和,施明冇去婚禮係因為要照顧年邁嘅母親。

阿媽入ICU 李泳豪怒斥有人爆家事 施明同細仔傳不和 原因同新抱有關?

原文刊登於 Yahoo娛樂LOL,am730獲授權轉

請接受以下私隱政策及免責聲明,以示你同意am730內之私隱政策及免責聲明。了解更多
接受