娛樂
2022-08-11 15:38:46

「荃灣豬肉檔AK」劉宋威紋「威威豬」上身冧粉絲 惹抄襲LuLu豬之嫌

分享:

「荃灣豬肉檔AK」劉宋威(阿威)

荃灣豬肉檔劉宋威(威威)因被指貌似MIRROR成員Anson Kong而爆紅,可惜人氣急升後是非不斷,除咗被網民指佢愈來愈商業化,仲不斷被翻出黑歷史,搞到佢沉寂咗一排。早前威威踩入娛樂圈,除口罩以真面貌拍廣告,不過就令到唔少威威豬大叫失望,人氣大不如前,而佢近期亦冇曝光。最近有「威威豬」發現佢手臂上多咗一個紋身,不過就被網民發現呢個新紋身疑似抄襲LuLu豬。

早前威威曾拍片澄清負面傳聞,期間並表示為咗答謝一班粉絲嘅支持,佢會搵紋身師去設計「威威豬」紋身。最近有粉絲發現威威嘅右手手臂多咗兩行豬仔圖案嘅紋身,仲要每隻豬仔嘅表情同動態都唔一樣,非常可愛。粉絲仲將照片上載到Facebook嘅應援群組專頁同其他威威豬分享,唔少威威豬都興奮留言,例如「威威真係好重視我哋啲fans,對佢嘅愛護,特登紋咗啲威威豬係個手臂上,威威你放心啦,我哋好支持你的!」、「每隻威威豬都代表我們不同的支持者,感動!」、「威威真係言出必行 勇氣可嘉 好特別好可愛威威」、「很厲害,每隻威威豬都唔同」、「威威真係抵錫呀,知我哋威威豬咁支持佢,特登紋咗咁多隻威威豬上去手擘到!」及「威威新紋身,好靚,好可愛!」等等。不過同時亦有網民唔收貨,認為威威嘅新紋身疑似抄襲LuLu豬,並唔係佢之前所講搵紋身師設計。

「荃灣豬肉檔AK」劉宋威(阿威)

「荃灣豬肉檔AK」劉宋威(阿威)

LuLu the Piggy

「荃灣豬肉檔AK」劉宋威(阿威)

「荃灣豬肉檔AK」劉宋威(阿威)

「荃灣豬肉檔AK」劉宋威(阿威)

「荃灣豬肉檔AK」劉宋威(阿威)

「荃灣豬肉檔AK」劉宋威(阿威)

「荃灣豬肉檔AK」劉宋威(阿威)

原文刊登於 Yahoo娛樂LOL,am730獲授權轉載

隱私權保護政策
請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多
接受