娛樂
2022-06-17 12:18:33

After Class玩轉元宇宙|Yumi笑言Gigi內地爆紅未改火星性格

分享:
After Class於元宇宙內與歌迷粉絲互動玩遊戲,Gigi繼續「火星人」性格,炒熱氣氛。

After Class於元宇宙內與歌迷粉絲互動玩遊戲,Gigi繼續「火星人」性格,炒熱氣氛。

After Class玩轉元宇宙》節目將於今天正式播出。節目內After Class四位成員炎明熹(Gigi)、姚焯菲(Chantel)、詹天文(Windy)、鍾柔美(Yumi)搶先登入元宇宙當中,舉行音樂表演及粉絲見面會。現正於湖南參與綜藝節目《聲生不息》的Gigi,與一眾團員已經多月未見的Gigi,透過今次元宇宙的舞台與團員合體。

四位成員親自操控著按照她們外貌設計而成的虛擬化身(avatar),於元宇宙內與歌迷互動玩遊戲,亦分享個人近況。更獻唱《要為今日回憶》、《原來談戀愛是這麼一回事》、《Breakin’ My Heart》三首歌曲,合力為歌迷呈獻精彩表演。

Gigi表示掛念團員及香港粉絲:「我喺湖南同一眾前輩們參與歌唱節目,真係非常榮幸,亦都好開心大家鍾意我嘅表演。我人在內地,有一段時間冇見過3位團員同埋香港嘅粉絲,好掛住大家。今次喺元宇宙舉行活動,我哋幾個可以透過網絡喺元宇宙見面、合唱、跳舞,同粉絲玩遊戲,真係好開心。元宇宙可以拉近現實世界嘅距離,無論喺邊度都可以約人見面同玩,好正。」Yumi笑言Gigi唱歌保持水準之餘,於元宇宙活動中與粉絲玩遊戲時,仍然保持一貫「實力」:「我哋有睇Gigi佢喺《聲生不息》嘅表現,個節目好好睇又好好聽。本來以為Gigi去到新環境,又同咁多前輩歌手交流合作,會變得成熟穩重啲,點知佢繼續係咁火星人,喺元宇宙同fans玩遊戲嗰時,成日亂咁指揮。不過有佢嘅話,氣氛真係又再升級,希望佢一路都保持住呢個搞笑嘅水準。」Chantel近日接受媒體訪問時,嘗試了比真實年紀更成熟的造型。Chantel:「歌手要嘗試不同造型,保持新鮮感。之前嘗試比較成熟嘅造型時,其實我都有啲擔心,不過出到嚟嘅效果同埋反應都ok。」Windy亦想以avatar嘗試古裝造型:「我推出嘅新歌《愛情許可證》係劇集《尚食》嘅片尾曲,我一路都想試吓着明朝古裝去唱呢首歌,喺元宇宙變身好方便,仲可以做多個男主角許凱嘅avatar,同我一齊唱或者拍個元宇宙MV!當然可以試吓聯絡真嘅許凱,如果可以同佢喺元宇宙或者同佢真人合唱就最好啦!」

 

相隔多月,Gigi與After Class其他3位成員於元宇宙內集合。 3位成員都有追看Gigi《聲生不息》的表現,並大讚她愈來愈有氣勢。 虛擬化身按照她們外貌設計而成的。
隱私權保護政策
請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多
接受