娛樂
2022-11-14 16:08:37

ERROR自爆96小時| 阿Dee爆193曾太囂張說話難聽 ERROR跳唱難敵MIRROR令肥仔夢想幻滅

分享:
成軍四年的ERROR齊人出海「Staycation」兼拍《ERROR自爆96小時》。

成軍四年的ERROR齊人出海「Staycation」兼拍《ERROR自爆96小時》。

ViuTV新節目《ERROR自爆96小時》昨晚(13日)首播, ERROR的4位成員梁業(肥仔)、何啟華(阿Dee)、193(郭嘉駿)和保錡(吳保錡),齊齊坐遊艇出海Staycation,玩完水上活動,由肥仔親自下廚預備晚餐,四子吃著家常便飯,隊啤盡訴成軍4年的百般感受。

阿Dee大爆193昔日的囂張言行,見證對方這兩年半的成長。 193希望做個有實力的藝人,讓喜歡他的粉絲感自豪。 193曾經的囂張豪言,成為隊友心中的一根刺。

193最大進步

當談到哪位成員改變最多,193是3位隊友的不二之選,保錡直指193以前的突破空間很小,現在很願意突破:「他會去學唱歌、學樂器,不再抗拒跳舞,而且學得快,勁了好多。」阿Dee補充,不只是技能上增值,還有心態上的轉變,他憶述初出道時,大家在創作上有很多分歧,193是行內經驗最淺的一位,卻說出最難聽的說話,「有時嗌交,佢講一句好難聽嘅說話,就話『我啲fans多過晒你哋,啲人睇我之嘛。』但近呢兩年半,我無再聽過佢講呢樣嘢;這個轉變是以前佢有呢個諗法,因為唔係追求自己表演藝術,依家佢自己要學戲要學唱歌,佢真係去經營自己嘅表演藝術,而唔係只顧喺fans咁簡單,以前同佢講『你咁樣講嘢都幾難聽』,但佢唔聽入耳,依家我覺得佢真係成長咗。佢經歷咗一啲嘢,構成舊有嘅價值觀擺低咗,然後睇住佢用行動去證明,佢真係諗緊一啲新嘅價值觀,呢個係我嘅觀察,所以我覺得佢最大進步。」

193坦言,很多觀眾僅視他是諧星,故積極學演戲和唱歌,希望取得認同。 193在《季前賽》爆喊認錯的一錯戲,大獲好評。

193:讓喜歡我的人不會被取笑

193指每次重溫自己的演出都覺得有進步,最近看《季前賽》時更是「喊到黐咗線」,他直言:「很多人唔當我係演員,只當我係諧星。雖然我現在會追求自己的表演,但都好在乎粉絲,有些中、小學生的支持者,跟別人說喜歡193卻被取笑,因為對方鍾意跳唱了得的MIRROR,然後取笑他喜歡193。我真的想做得更好,讓喜歡我的人不會被取笑、攻擊,我想他們跟別人說鍾意193是件自豪的事、說喜歡我的實力。」

肥仔視3位隊友如家人,為3兄弟親自下廚預備晚餐。 肥仔視隊友為家人,為3位兄弟炮製糖醋排骨、麻婆豆腐、蕃茄炒蛋和椒絲腐乳炒萵筍。

做最真實的ERROR

身為隊仔的肥仔為3位兄弟炮製4道小菜,包括糖醋排骨、麻婆豆腐、蕃茄炒蛋和椒絲腐乳炒萵筍共,「某程度上當佢哋係屋企人。你唔會奢求屋企人回報,或者要求畀返啲咩,當然想佢哋生性啲,想佢哋做好啲,你自己又會開心啲。」肥仔又透露,ERROR初成軍時,真的想過要跟跳唱男團MIRROR對撼,「我哋可搞笑亦可跳唱,咁我哋咪好勁囉,但件事唔係你所諗的簡單,保錡好盡力,但跳舞能力有限,193又唔太鍾意跳舞,我呢個夢,成日覺得好似幻滅咁,依家最開心係咩呢?好enjoy佢哋發癲時,我喺隔離咪喪笑囉。嗰陣時做訪問,我亂咁喺度笑,笑到黐咗線,笑到喘晒氣咳晒,原來觀眾又鍾意睇喎!」他發現毋須太刻意,做最真最自然的自己,反而觀眾更喜歡。

四子盡訴心中情,前事不計,齊齊乾杯。 保錡坦言拍《ERROR自救TV》時,曾經不知自己在做甚麼。

保錡曾借酒消愁

節目組邀請一班經常與ERROR合作的幕後人員,為四子作評分,結果最準時是肥仔,最多意見是阿Dee,在投入拍攝方面,保錡的分數最低。一直熱愛音樂、渴望做歌手的保錡直認曾經態度懶散,每日搞笑令他吃不消,「出道第二年拍《ERROR自救TV》時,其實係笑唔到,我唔知自己做緊咩,收工借酒消愁,錢又唔多,又唔開心,可能拍劇時又係畀人斬,又係死囉。」幸而,今年終等到出歌機會,改寫人生,「叮一聲醒咗變咗另一個人,我一定做我最鍾意嘅嘢先可以keep到自己追求嘅欲望,我依家就係有欲望,所以做咩我都好有火去做。」

隱私權保護政策
請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多
接受