娛樂
2022-09-05 18:33:31

ViuTV推新節目《造型師大賽》由193主持 網民勁期待:好想睇佢滔滔不絕講fashion

分享:

ViuTV全新節目《造型師大賽》有193(郭嘉駿)擔任主持

ViuTV過往都有唔少題材創新嘅綜藝節目,例如《ERROR自肥企画》、《膠戰》、《造美人》及《尾二一屆口罩小姐》等都深受歡迎,成功吸引觀眾收看,同時喺網上掀起話題。去到今日ViuTV又有新搞作啦,佢哋喺社交網站專頁宣布進行首個造型師比賽大招募,並搵嚟ERROR成員193(郭嘉駿)擔任主持,選出新世代最強造型師。

MIRROR紅館演唱會發生​​事故後,MakerVille宣布MIRROR停工兩個月,導致MIRROR相關節目被抽起、唔少安排好嘅工作及計劃需要改期或取消。同期出道嘅ERROR工作就繼續,由佢哋主持嘅《尾二一屆口罩小姐》都未播影完畢,公司就喺社交網站專頁宣布以造型師為題材嘅新選秀節目《造型師大賽》(暫名),節目搵嚟被封為「九龍灣時裝之鬼」嘅ERROR成員193(郭嘉駿)擔任主持。而參賽者嘅要求方面,除咗係年滿18歲嘅香港人之外,職業同背景都不限,只要係同193一樣熱愛時裝、對Styling有敏銳觸角就可以參加,而冠軍仲可以獲得與唔同藝人合作嘅機會。

網民:33做到佢強項既節目啦

《造型師大賽》可以話係為193度身訂造嘅節目,唔少網民都紛紛留言支持及表示期待,例如、「好正呀!今次開正33果瓣,節目主持加fashion,一定好好睇」、「好相信193對時裝嘅觸角!等咗193主持時裝節目好耐啦!好開心終於有得睇」、「好想睇,33做到佢強項既節目啦」、「度身訂造,好想睇!」、「超開心,33有新節目」、「喂,好期待呀。」、「呢個節目超期待呀~」、「好想睇佢滔滔不絕講fashion」及「超期待九龍灣時裝之鬼33主持fashion 節目 發揮所長」等等。

ViuTV全新節目《造型師大賽》(暫名) 招募

ERROR成員郭嘉駿(193)

ERROR成員郭嘉駿(193)

ERROR成員郭嘉駿(193)

ERROR成員郭嘉駿(193)

ERROR成員郭嘉駿(193)

ERROR成員郭嘉駿(193)

原文刊登於 Yahoo娛樂LOL,am730獲授權轉載

隱私權保護政策
請細閱並示意接受以下私隱政策及免責聲明,按下「接受」表示你已同意並願意接受 am730 網站內之私隱政策及免責聲明。了解更多
接受