元彪自認過時稱觀眾愛睇後生 對武打片沒落未感可惜

元彪、錢嘉樂、龐景峰、丁羽等到尖沙咀出席電影《新蜀山劍俠》4K數碼修復版首映。久未在港露面的元彪，自言很少出席公開活動，只是劇中其他主角不來，自己唯有現身。他稱當時電影播出之後，令他人氣急升，更紅到去日本。

他指以前跟現在拍動作片大不同，「真係小巫見大巫，我只係講動作電影，以前一定係辛苦過依家50倍，全部都要演員親身上陣。依家觀眾唔睇呢啲，係睇偶像，我呢啲係過氣偶像啦！始終潮流係咁，唔需要好似我哋跌到腳又斷腰又斷。如果佢係偶像演員又出來打，觀眾會懷疑，依家市場唔同晒，依家都唔需要拼命拍戲。當然藝人演員要表現自己，人家做唔到，我做到就突出。」 他直言現時大陸有很多所謂年輕演員，稱自己親身上陣，其實很多時都是靠特技。

談到同門師兄洪金寶要坐輪椅出入，元彪笑謂不要被對方欺騙，並稱他後生時已很肥，到現在便會出些問題，年紀大要保重身體。至於會否有機會可再見到洪金寶、元彪及成龍一齊拍電影，他說未必有人會看，當然不排除有機會，並笑謂可以考慮三人合拍文藝片。元彪透露現時在大陸自設公司，有時會監製電影或客串，如自己拍戲也只求舒舒服服，不用像以前這樣辛苦。