姜濤認最大缺點係硬頸。
人氣王姜濤昨晚現身鄭中基（Ronald）的網上頻道節目「機動電視台」，節目中二人互相發問。當Ronald問姜濤最想與他合作什麼？姜濤表示：「梗係想同你拍戲啦，因為我真係好鍾意你啲戲。我又唔想講由細睇到大，但入行前真係好鍾意你啲戲，所以想同你一齊拍。」Ronald 未有一口答應，並搞笑表示：「我諗諗吖！」
接著被問到如果沒有參加《全民造星》，會做什麼？姜濤坦言：「我未參加《全民造星》時，我係讀Sport Coaching，我諗我會做體育老師，我自己好鍾意小朋友，我諗我會做一個小學嘅體育老師。」
當提到姜濤自覺自己最大的缺點時，姜濤則認真表示：「我覺得自己最大缺點，一定係硬頸，有時硬頸到會完全唔聽身邊人嘅意見，對於自己嘅歌、對自己表演嘅嘢不嬲都係，可能嗰件事係錯，但我會繼續做落去，我唔想後悔嘛，如果唔係我會成世記住有冇做到件事，所以有時我好硬頸，的確出嚟效果冇咁好。」不過Ronald卻鼓勵，認為做藝人需要一份堅持，所以硬頸其實不是錯的。
