Ad Block Ad Block
娛樂
2023-06-09 19:30:35

隱門|被張國強爆Seed 臨時加碼瘋狂掌摑 湯洛雯: 估唔到連續咁多巴

分享:
隱門|被張國強爆Seed 臨時加碼瘋狂掌摑 湯洛雯: 估唔到連續咁多巴

張國強在劇中演繹平凡愛妻老人。

TVB 劇集《隱門》昨晚(8日)昨晚一集的「洋蔥擔當」落在Madam Yeung (湯洛雯飾)父親楊志強(張國強KK飾)身上。患了認知障礙的志強對意外離世的妻子(李君妍飾)念念不忘,憶妻成狂的他在街上看到與妻子打扮相似的女子,連番上前纏著對方,最終Madam Yeung忍痛表示母親已離世多時企圖令父親清醒;大受打擊的志強激動爆Seed連環掌摑Madam Yeung,二人最終在街上抱頭痛哭。對於KK今次一洗「高級」味道,演繹平凡愛妻老人,網民大讚演技超班之餘,亦指KK演乜似乜。

KK受訪時透露接拍《隱門》前,獲監製Amy姐親自致電講解角色:「佢話想我同以前好唔同,話今次個角色唔係咁精明。」KK續指為演阿伯演得更神似,除刻意留了白頭髮,更穿了假肚腩及塗了皺紋膏。談到掌摑湯洛雯(靚湯)場口,KK透露由於與對方父親湯鎮宗份外熟稔,故與靚湯亦很好感情,二人拍攝前有良好溝通,因而順利一Take過完成。但由於正式拍攝時二人均順著當時情緒演戲,故最終在零預警下加了很多巴掌:「我同湯洛雯溝通完,佢覺得有必要真打,只係佢估唔到連續咁多巴。因為大家跟住咗個感覺走,個情緒爆發起上嚟就打咗好多巴,多到我都唔記得咗有幾多吓。」KK又指有特別留意打巴掌的節奏:「唔可以好似後生仔打交咁快,要一巴一巴咁打,同埋要有氣同冇力之間。」

Ad Block
Ad Block
張國強在零預警下加了很多巴掌。

張國強在零預警下加了很多巴掌。

二人最終在街上抱頭痛哭。

二人最終在街上抱頭痛哭。

湯洛雯覺得有必要真打,但估唔到連續咁多巴。

湯洛雯覺得有必要真打,但估唔到連續咁多巴。

請接受以下私隱政策及免責聲明,以示你同意am730內之私隱政策及免責聲明。了解更多
接受