陳凱欣到油麻地火警現場了解情況(陳凱欣FB)
立法會議員陳凱欣前日(3月3日)喺Facebook直播油麻地唐樓單位火警，不過警員似乎唔認得陳凱欣，大聲用普通話勸阻「不要拍照」。對話引起唔少網民討論，陳凱欣之後就剪走有關對話。
喺原本嘅直播影片開頭十幾秒，陳凱欣調整鏡頭期間，一個警員大聲用普通話勸阻「不要拍照」。陳凱欣就回應：「唔好意思，我係呢區當區嘅議員，我𠵱家話畀啲街坊聽（火警情況）」。男警轉返用廣東話講﹕「講完之後好走」，陳凱欣回應﹕「知道，唔該阿Sir」，跟住開始分享現場最新情況。
提醒大家提高防火意識
陳凱欣之後喺Facebook交代當時喺附近出席活動，即刻趕到現場了解同支援，向疏散嘅居民提供口罩、水等物資。佢關注近日發生多宗火警，提醒大家需要提高防火意識，包括留意老舊電器短路風險同充電器過熱等。如果不幸發生事故要保持冷靜，大家互相幫忙。
ADVERTISEMENT
送健之堂舒壓好眠足湯 x 石墨烯足浴袋
