黃錦輝眼鏡斷裂，鎅傷臉部，貼上大膠布示人
全國兩會正喺北京舉行，全國政協委員、立法會議員黃錦輝右邊面突然貼上大膠布，原來係抵達北京之後發生咗小意外。
黃錦輝喺Facebook分享參觀港澳辦新大樓嘅相，見到佢右邊面貼上大膠布。原來係因為唔小心整爛副眼鏡，仲整損顴骨，除咗為面部療傷，亦只可以暫時痴住副眼鏡，頂硬上繼續開會。
會推動「十五五」規劃落實
今年係「十五五」開局之年，作為全國政協，黃錦輝話深感責任重大，一定會發揮專業所長，喺佢所熟悉嘅創科同教育範疇，凝聚業界力量，積極建言獻策，助力香港更好融入國家發展大局，推動「十五五」規劃落實，為國家2035年基本實現社會主義現代化嘅目標作出貢獻。
ADVERTISEMENT
送健之堂舒壓好眠足湯 x 石墨烯足浴袋
