KC早前在劇中連抱6位女演員，他直言非常輕鬆。(娛樂組攝)
歐瑞偉(KC) 與郭羨妮(Sonija)出席《第16屆「戒煙大贏家」無煙社區計劃頒獎禮》，二人與在場戒煙人士玩遊戲之餘，亦提供不少戒煙資訊予在場人士。KC表示自己仍需為《尋秦記》宣傳，但需要配合自己拍《愛．回家之開心速遞》的檔期。他表示很開心聽到觀眾的反應不俗，更有海外華人專程飛返香港看。
早前他在《愛．回家之開心速遞》連抱6位女演員，包括有樊亦敏、林淑敏、呂慧儀、邵初、邱芷媺及莊思明。他表示最輕的是邵初，「佢最好抱！佢係我拍檔嚟呀！」他又指三太減肥成功，大讚她保養得好。問到誰最重，他二話不說︰「我最重呀！個個都好fit！」問到他抱完6位美人之後，腰骨有沒有事，他立即跳幾下表示「冇問題，梗條冇問題啦，後生仔嚟㗎嘛。」
談起群姐「許思敏」在戲中的打扮，跟宣萱有次出席活動時的衣著撞到應一應，KC直言「兩個都好靚！兩個都唔同品味，郡姐係另一種品味，兩個都覺得好好！(即係咩品味？) 好親切嘅感覺嚟，似親戚，隔離屋嘅朋友。」
ADVERTISEMENT
請你去迪士尼樂園玩！登記攞飛！
