有網民近日光顧一間冰室，用QR點餐時發現所有菜式的照片均是以AI生成，指「啲嘢食唔知點解都係有浸AI味」。(Threads)
人工智能(AI)生成照片及影片愈見普及，卻帶來真假難分的問題。有網民近日光顧一間冰室，用QR點餐時發現所有菜式的照片均是以AI生成，批「仲要有啲係亂咁落指令」，令照片欠參考價值，又指「啲嘢食唔知點解都係有浸AI味」。
好人好事｜南韓旅客欣賞茶餐廳杯碟靚想買走 老闆直接送上一套全新
批亂咁落指令 「連圖片都不能參考」
該名網民周日(15日)於社交平台Threads發文稱，晚上10時因「唔知食咩好，求其入咗一間冰室」，坐下後開Google review，方發現冰室只有2.4星評價，「不過唔緊要，作為試伏大C，就試吓佢咩料！」。惟樓主以QR點餐時，驚現所有菜式的照片均是AI生成圖，可見蔥油雞扒三眼仔飯及澳門豬扒包的照片，右下方均標明「荳包AI生成」。樓主直言「仲要有啲係亂咁落指令gen出嚟，…今舖連圖片都不能參考」。
用餐完畢後，樓主直言「啲嘢食唔知點解都係有浸AI味...不過都叫做食得落。講真餐牌用AI gen真係不建議，完全係倒自己米，我真係寧願你唔放圖…」。照片可見樓主點了紫菜湯、海南雞飯、豬扒公仔麵。其他網民留言回應稱，「去未試過嘅茶餐廳食嘢，我會係門口先睇係乜食客而唔係先睇餐牌」、「打開見到3眼仔我會即走」，亦有人品評樓主點的菜式，「果隻咩AI幅射雞脾嚟」、「三角形紫菜係直接一餅紫菜擺碗撞湯落去，都未發得切就上咗枱」。
ADVERTISEMENT
請你去迪士尼樂園玩！登記攞飛！
