黎明向每位演唱會入場人士派發紅蘿蔔螢光棒。
黎明（Leon）於紅館舉行一連10場的《黎明 LEON LAI ROBBABA 紅館演唱會2026》，每位入場人士均會獲發一支紅蘿蔔螢光棒，在開騷初期曾有fans在網上提到這支紅蘿蔔螢光棒極不好揸。沒料到Leon送出這支螢光棒原來出於「報復」心態，當聽完他的解釋之後，全場爆笑。事後有網民上載影片，不禁笑謂「全勤有10支點算」、「以前佢行偶像派無諗過佢咁搞笑」、「果然係黎明，會令你唔明！」、「成件事好黎明」。
黎明向觀眾大派紅蘿蔔。
Leon說：「知唔知點解係紅蘿蔔？我好多時開演唱會嘅時候，我都試過啲人送禮物俾我，但係佢送禮物俾我時，唔會問我要唔要㗎！就係咁，我又唔好意思唔要，又收埋佢！」說畢Leon做了一個停止的手勢，說：「唔好再送嘢俾我！而家我俾返個感受你，我唔問你哋，送返樣嘢俾你哋，仲專登將個紅蘿蔔，用最原始換電方式，等你好似我咁可以儲住儲十年！攞返屋企，聽晚會有第二批紅蘿蔔，每晚都有！」之後他更不忘提醒大家要食多些維生素，保持身體健康。
黎明送出的紅蘿蔔手燈原來是為「報復」。
ADVERTISEMENT
請你去迪士尼樂園玩！登記攞飛！
