黎明佛山開騷妻女激罕現身，8歲女兒「餅印」樣曝光。
天王黎明2018年與比他年輕19歲、唱片公司助手兼經理的阿Wing 戀情曝光，其後他認愛並公佈懷孕喜訊，同年誕下女兒。黎明日前到佛山開騷，向來極度低調的「天王嫂」阿Wing，與8歲愛女罕有現身觀眾席，成為全場另一焦點。
阿Wing全程「零表情」
當晚適逢週末，阿Wing帶女兒低調入場支持。現場粉絲捕捉兩母女的身影，見女兒留著長髮，單眼皮五官與黎明猶如「餅印」一樣，遺傳了父親強大基因。她全程隨音樂興奮扭動，表現活潑，相比早前在其他城市被認出即離場，這次顯得格外投入。相較女兒的雀躍，阿Wing身穿黑色外套，全程默默注視台上，臉上幾乎沒有表情，與現場高漲氣氛形成強烈反差。
黎明拋「真愛」金句
獲妻女撐場，黎明心情大靚，在台上再曬「金句王」本色，並向觀眾笑說：「我知道乜嘢叫真愛！你知唔知乜嘢叫真愛True Love？當一個咁寒冷嘅地方，咁凍嘅地方，得我一個着住咁厚嘅衫，你哋全部都着住咁薄嘅衫，陪我挨凍，True Love」，引來全場爆笑。
ADVERTISEMENT
【👇送3M靜電空氣濾網體驗包4包👇】
