林盛斌（Bob）今日（25日）出席TVB劇集《警是個大佬》開鏡拜神，Bob接受訪問表示相隔四年再拍劇感到相當興奮，而對上一次拍劇則是與葉念琛合作的《美麗戰場》，他今次在新劇中會挑戰演心狠手辣的江湖大哥，並且會與羅子溢有對手戲。Bob透露王敏奕在劇中會飾演他的女兒。被問到今次演男主角挑戰黑社會大佬的角色，他說：「心裏面要有好多嘅詭計，陰沉心狠手辣。」
林盛斌（Bob）出席TVB劇集《警是個大佬》開鏡拜神（娛樂組攝）
預告《媽媽又要嫁》開拍續集
提到新節目《女神配對計劃2》，Bob預告拍攝完新劇就會開始投入拍攝新節目，同時有機會拍攝《攻你上大學2》和巡迴棟篤笑演出。至於較早前曾表示會介紹對象給好友陳庭欣，Bob回應：「我差唔多由得佢哋自由發展，我覺得成數有一半，可能男方都有啲意思，理講咁多啦！希望有好嘅消息話俾大家聽。」
講到有份參與馬來西亞賀歲電影《媽媽又要嫁》，Bob說：「出到嚟嘅成績老闆都滿意，觀眾都覺得好好笑。老闆希望再拍多一套戲，無論係賺錢或者蝕錢都好，想馬來西亞嘅觀眾開心，準備就嚟要開第二套，仲要原班人馬，有埋陳山聰。有機會拍完呢套新劇，要三個禮拜時間飛去馬來西亞拍新戲。
ADVERTISEMENT
送健之堂舒壓好眠足湯 x 石墨烯足浴袋
