五月天完成在啟德體育園舉行的4場演唱會。(資料圖片／林俊源攝)
台灣樂隊五月天完成在啟德體育園主場館的4場演唱會，不過尾場觀眾席就發生一些插曲。有入場的「五迷」在社交平台控訴指，演出期間有一群坐在包廂的觀眾，不論唱歌或談話環節均全程高談闊論，「歌同歌中間轉場全場靜嗰陣佢哋仲大笑緊」，批評他們滋擾其他人欣賞演唱會，呼籲他們尊重場合和其他觀眾。
有歌迷曾籲樓上安靜
帖文吸引不少「五迷」留言指，在尾場不同區域同樣遇到類似情況，「鬼有細聲到，我喺223區……佢哋嘈得太緊要，我哋叫佢安靜，佢哋反而鬧交咁樣話返我哋，然後變成兩面不停鬧來鬧去，幾乎想打咁」、「我坐224對正佢哋樓下。完全聽唔到阿信講野(嘢)」、「遠到212都聽得清，離細聲差好遠。」
有坐在223區的觀眾亦發文稱，當時有數名「五迷」按耐不住向樓上大叫「小聲點」，惟形容對方愈聊愈大聲。同時，有網民指出涉事被指控的區域相對較側，「223/229附近都有，兩格都唔係正面嚟。」
ADVERTISEMENT
請你去迪士尼樂園玩！登記攞飛！
