張敬軒今日(30日)與陳蕾、廖子好和Carina@VIVA(李晞彤)現身銅鑼灣出席化妝品牌活動，張敬軒受訪時透露工作大計，早前特地往韓國為新歌拍MV，他笑言食得好住得好，自爆體重逾80公斤，「達人生高峰，過年食品、去咗可以食好多麵包嘅地方，歐洲同韓國。(肥咗幾多磅？)過年前65公斤，肥咗十幾KG。」他笑言，外表雖看不出來，但肥在鬼祟位，更難減磅。他表示，今次拍MV的韓國合作團隊，曾與BLACKPINK和aespa團隊合作，他直言大開眼界：「請教咗佢哋好多嘢，原來一線韓國artist，BLACKPINK啱啱拍完的一個MV要千二萬，原來一個景要一百萬港幣，仲要有5、6個景，我自己係零景！」
朋友座駕盡毀 經理人留車廂
雖然拍MV大豐收，但亦遇上韓國驚魂。張敬軒表示，完成MV拍攝後，回港前一天相約朋友見面，約定坐友人的座駕去食飯，不料在等候期間，附近整排金屬棚架突然倒塌，壓住朋友的座駕，「「只要我早多10分鐘就會出事，朋友嚟車我哋，但佢行開咗食煙冇事，架車就total lost，張相只係睇到少少，後面其他都冧晒。幸存者（經理人華仔）喺我旁邊，佢返到嚟即刻去咗還神。」當時軒仔的經理人華仔坐在車裡，慶幸沒有受傷。有驚無險，軒仔頻呼好感恩，深有領悟，回港後立即與父母食飯：「多啲陪吓心愛嘅人，我落機即刻搵爸爸媽媽食飯，坐低一刻覺得簡簡單單，齊齊整整就夠。」
改唱法 10年最滿意唱片
軒仔預告今年會「出歌放題」，現錄好新專輯的歌曲，「其他方面的工作會放慢腳步，真係要補番多啲音樂上嘅嘢，呢張專輯係我過去10年最滿意嘅唱片，其實好煎熬，因為改唱法，今次唱片都有啲聲係以前未試過。」他又透露正籌備幾個演唱會，最看重的一個是與中樂團再次合作，「好多人話今年25周年，但仲拉鋸緊，如果真係要做，我諗會做呢個中樂show。」他表示仍在物色場地，除了紅館，也想試試新場地，而推出新碟的計劃亦有待公布。
ADVERTISEMENT
請你去迪士尼樂園玩！登記攞飛！
