鄧麗欣（Stephy）今日（26日）出席沙田馬場活動。被問到過往是否有投注買賣的經驗，Stephy接受訪問表示：「我唔識呢啲㗎！啲人問我就求其講一個Number，冇乜嘢研究。咁我細個都要睇馬名嘅，睇吓邊一個名靚就估呢一隻。」她表示願意嘗試投注買馬，不過偏向靠自己努力賺錢。談及是否有偏財運，她說：「我係要做啲有啲技術支援吓，譬如打麻雀就OK！」
Stephy願意嘗試投注買馬，不過偏向靠自己努力賺錢。（娛樂組攝）
新專輯收錄10首歌曲
談及同場出席活動的許廷鏗透露自己生蛇，Stephy表示：「影相嘅時候同佢閑聊咗幾句話最近生蛇，我都未了解到係點樣，我都係拍咗廣告先突然了解啲人生蛇，佢哋都會同我講會有呢啲情況。」被問到減壓方法，她直言：「最近係畫畫，我嚟緊仲有一個畫展都努力緊，早排都有少少壓力，唔係好夠時間都好趕個限期。」
談到對上一次推出專輯已經是15年前，歌迷們是否有催促出新碟，Stephy直言：「有啊！佢哋都催咗10幾年，又真係比佢哋催到，今年真係會出碟，所以其實喺畫畫嘅過程有啲時間都抽咗去錄音，亦都希望今年可以出到專輯，都要錄一啲新歌，其實第一首已經錄好，大概五月嘅時候大家會聽到。」她大賣關子新專輯收錄10首歌曲。
ADVERTISEMENT
至抵會員價，名額有限，請火速訂位！
