黃宗澤、連詩雅、鄭希怡昨日出席香港潮州節。 (娛樂組攝)
黃宗澤昨日出席香港潮洲節，大談一些潮州人習慣及美食，更即場大曬幾句潮州話，笑謂平時跟媽咪在外想講秘密時會以潮州話交談。在活動上被楊受成次女楊玳詩著他找個潮州老婆，他即耍手擰頭笑謂見到媽咪的模樣便怕怕。
黃宗澤否認牙肉萎縮，解釋只係漬。 (娛樂組攝)
早前他跟周家怡、海兒拍片，片中不但瘋狂笑海兒養蛇，又大爆林峯因為超重偶包，所以做gym會成副武裝上陣，他說：「感謝網民咁鍾意呢一集，我冇蝦海兒，係好好笑，嗰日傾到好開心！全香港人應該都知林峯重偶包，佢係『我係偶包，偶包係我！』（你啲牙上咗新聞）係喎！我冇諗過牙都會上新聞，我咪去睇牙醫囉，牙醫仲話我啲牙好好，只係漬啫，我都嚇一嚇，以為牙肉萎縮！」早前黃宗澤被內地網民指牙肉萎縮，更一度登上微博熱搜成為熱話。
談到上次被鄭希怡要求唱《K歌之王》，今次二人再同場，會否借機報仇，他笑謂沒有機會，並稱自己退出樂壇多時，勸喻大家不要貼錢買難受。對於上次他的餐廳被誤傳執笠，他坦言現時市道不佳，「蝕錢就梗，頂到就頂，希望我仲頂到！」並謂不少朋友也誤會他執笠，不停問他是否有經濟困難。
