瑞幸咖啡多款熱門飲品限時半價 1方法拎優惠
瑞幸咖啡攻港快將兩年，長期推出$19.9不同款式咖啡特價優惠，今日透過WhatsApp群組發布限時半價飲品券，多款飲品可享五折優惠。
由即日起至6月21日透過瑞幸咖啡App可領取單杯5折飲品優惠券。
星期一買雙杯送免費輕食
大家有幫襯開瑞幸的話，都識得開官方App落單購買咖啡，幾時沖調好即刻通知買家，好方便。最吸引係時常精選$19.9飲品優惠（原價由$33.8起）。記者在品牌攻港初期以客人身份開始使用App，並加入某旺區分店WhatsApp群組，每星期都收到群組發布最新產品及著數優惠資訊，今日(6月8日）就收到飲品半價著數消息。由即日起至6月21日，透過App參加今次活動可領取單杯5折飲品優惠券，飲品類別包括咖啡、輕乳茶、楊枝甘露、果茶、抹茶品及瑞納冰。
另外，逢星期一限定App優惠包括買雙杯送免費輕食，如牛角包或貝果；買3杯送巴斯克芝士蛋糕或提拉米蘇杯子蛋糕，著數都好抵，幫大家對抗Blue Monday。（所有優惠詳情留意瑞幸咖啡官方App）
