黃宗澤出席樂易玲生日會，聞吳卓羲跟張曦雯傳緋聞時，笑過不停。 （娛樂組攝）
黃宗澤昨日（30日）出席樂易玲生日會，他透露將會監製一部賀歲片，已有故事大綱，但劇本完成，希望可以趕及明年的賀歲檔期，如果趕不及就考慮其他檔期，或再等下一年賀歲檔。問到是否會參演一份，他說：「天后（樂小姐）呢條數計得好，一份人工做兩個人嘅嘢，又要做演員，又要做監製，呢條數真係好抵！」他坦言做做演員和監製各有各的辛苦，因為做監製，就要參與前期的工作，包括看景、找贊助、洽談演員、傾劇本，慶幸身邊有不少同事幫手。
黃宗澤表示無人能代替到樂小姐。（娛樂組攝）
提到樂易玲表示會全力支持，他笑說：「係我全力支持天后！都要天后開庫，先有工作一齊做。依家經常話影視寒冬，大家無工開，希望天后開多點庫！」問到他是否可以接手樂小姐工作，他反應甚大，當記者指樂小姐想找接班人，他說：「邊個接佢班呀？叫佢諗都唔好諗！（佢想去旅行呀？）旅行可以，完全放低就死咗條心！無佢邵氏點掂，成班人變孤兒仔！佢可以輕鬆啲，分啲工作重擔俾其他人，叫佢完全唔做喺現階段暫時唔得住，喺我退休前佢都唔好諗！」
黃宗澤聽到樂易玲話想找接班人，大為驚訝。（娛樂組攝）
問到他的好兄弟是不是有新戀情，他反問大家是否確定是同一隻貓，更指吳卓羲曾問過他要不要接收流浪貓，認為不是同一隻貓。他坦言每日都見到吳卓羲，日日跟他一齊去健身，自己完全不覺得對方正在蜜運中，更稱自己跟吳卓羲才是最襯的一對。當大家笑他阻住晒，他說：「唔好搶我條仔啦！」他笑謂若對方要拍拖，必須要經兄弟過目一下，並指吳卓羲要拍拖也很正常。