羅蘭（左）大讚胡楓早前舉行的紅館騷好睇。（娛樂組攝）
羅蘭和邵音音今日現身尖沙咀，出席姚正菁復出的簽約儀式。兩人受訪時，邵音音大讚羅蘭的AI天氣小姐造型。羅蘭早前看胡楓紅館演唱會，她大讚修哥專業，「佢唔怕辛苦，辛苦都繼續唔落台，修哥你好嘢。」
「我同修哥無咩嘢」
談到張學友和張家輝在台上以羅蘭姐和胡楓的緋聞開玩笑，邵音音搶白：「做咩講人哋秘密。」不過羅蘭姐就不介意，仲大讚家輝反應快又好笑，「家輝去第二度返嚟，就會打電話俾我，叫我飲茶或者食飯，好有心。」另一個好孝順的契仔是張國強，「雖然我無結婚又無生BB，但係好多仔女。」
談到她與修哥的緋聞，羅蘭姐從幾十年前說起，大爆修哥初拍拖的秘密，「嗰時喺尖沙咀，見到佢拖住女朋友行街，一拖就幾十年，而家修哥心裡面都有呢女士，佢同呢位女士亦都結咗婚，我都同修嫂好熟，所以啲人話我同修哥咩嘢，我同修哥無咩嘢，不過而家大家都係在心中，修嫂都已經唔喺度。」