黃建東今年以「樹熊王子」身份參加《中年好聲音4》，因而跟《中年好聲音》系列的參賽者成為好友。日前他的45歲生日便與多係《中聲》的朋友慶祝，沒料遇上「紅霞」，但大家都無謂風雨來襲，齊齊和他食飯切蛋糕，認真開心。相中見到有《中年好聲音4》的陳逸璇、許雲妮 、黎若雪及鄭家聲，以及《中2》的譚輝智、梁浩賢。
向來出名孝順的東東更帶埋父母一齊參與飯聚，他表示「又大一歲，越嚟越珍惜屋企人、識咗好耐嘅人同埋身邊嘅好朋友。阿爸阿媽年紀只會越嚟越大，所以而家好多時候出席一啲晚飯活動，如果可以帶埋佢哋一齊去我都會選擇帶，好想見佢哋多啲。同埋帶多啲開心歡樂俾佢哋，那怕係食餐好嘅都想預埋佢哋。」
此外，他亦上載一條譚輝智看他多年前的「PPAP」影片，見到對方笑得非常開心，更跟住東東的影片一齊rap。譚輝智說︰「我睇咗過千次！係忠心粉絲！條片有一半view都係我嚟！」
