（左起）姚兵、周志康、劉佩玥、黃建東、莫家淦。（娛樂組攝）
《中年好聲音4》蒙面動物選手周志康、羅天宇、劉佩玥、莫家淦、黃建東和姚兵昨晚（30日）在麥花臣場館舉行《愛爆動物音樂秀》音樂會。完騷之後，劉佩玥心情仍未平復，她表示自己開騷都不會這樣，但聽到他們分享感受時便忍不住，戥大家開心，並謂今次演出不容易及珍貴，見到反應很好，大家也感到開心。他們透露正在洽談巡唱，無論任何地方都會考慮，希望能開多幾場唱更多歌。
談到羅天宇中途流鼻血，周志康笑指可能中秋過後開始乾燥，姚兵就爆料指天宇食了不少補品，並稱大家都有吃，可能他虛不受補，自言大家年紀大「補少少」無問題，但對方仍年青便流鼻血。黃建東指後台聽到有人指天宇哭唱不到，及後才知他流鼻血。莫家淦續指大會著他上台講幾句，之後再按指示唱下去。劉佩玥稱6個人能迅速互相補位十分好。
問到莫家淦在台上爆周志康、周志文、劉佩玥是「家屬」，他稱「家屬」是指志康及志文，更搞笑稱自己跟志文也有關係，之後更開始表示大家都是好兄弟，再旁的黃建東和劉佩玥笑家淦開始表現心虛。志康被問到跟劉佩玥的關係，他指大家都是TVB大家庭成員之一，再問他會不會叫劉佩玥做阿嫂，他說：「我唔會叫佢阿嫂，我叫佢做阿Moon，Moon嫂唔好聽，都係嗌阿Moon。」問到劉佩玥會否考慮學天宇感情浮上面，劉佩玥說：「認愛好呀！好開心。」對於志文到場，劉佩玥表示開心，「好多朋友都嚟支持，包括佢，一個咁大嘅騷有朋友、屋企人係度，個意義不同，好多謝佢哋嚟！」
莫家淦在台上大爆劉佩玥是家屬，笑爆全場。（娛樂組攝）