圖片來源：Threads、TVB《愛回家之開心速遞》劇照
相信不少人都有網購習慣，雖然網上購物十分方便，部份貨物甚至比實體店平，驟眼睇性價比的確較高。不過，網購貨物出現問題，要與店家聯絡或申請退款就比較麻煩。早前，一位港女發文指其母親在淘寶買衫收唔到貨，欲申請退款竟要提供證據，幸好媽媽夠精明見招拆招，引來網民爆笑留言。
圖片來源：Netflix《絕世網紅》劇照
港媽買衫收唔到貨
早前，一位港女在Threads發文，指母親在淘寶買衫，明明網購平台有購買紀錄，但卻一直收不到貨，只好透過平台客服向店家申請退款。
申請退款要證據 港媽奇招應對
從發文者上傳與淘寶客服的流程圖，可見申請退款需要提交「憑證」，而因為今次港媽申請退款的原因是收唔到貨，因此需要藉此提交證明。雖然聽落十分無稽，但港媽就以奇招應對，上傳了一張照片作為憑證，相中只有一個攤開的手板，表示收唔到貨乜都無。
網民爆笑留言
發文者分享自己睇到媽媽的應對方法後「笑到流眼水」，同時亦引來大批網民爆笑留言，「上次有個人話收唔到張凳，又係叫佢做證，個男人就影自己坐落去張無影凳度」、「本來無一物，何處惹塵埃」、「Auntie識得苦中作樂，respect」。另外，有較為謹慎的網民就擔心「其實咁樣影，會唔會俾人拎到掌紋甚至放大到指紋」，大家網上購物都係小心為上。
